Májilis depýtaty Azat Perýashev memlekettik qyzmetkerlerdiń eski Qazaqstannyń aktıvterin qaıtarý aıasynda menshik bólisýdi jáne bıznesti reıderlik jolmen tartyp alý tendenııasynyń kúsheıgenin málimdedi. Depýtat osy másele boıynsha Bas prokýratýra men premer-mınıstrge resmı suraý joldady, dep habarlaıdy "Adyrna" ulttyq portaly.
Perýashevtiń aıtýynsha, partııaǵa ártúrli salada qyzmet atqaratyn kásipkerlerden memlekettik qyzmetkerlerdiń óz ókilettikterin menshik bólisý jáne bıznesti reıderlik jolmen basyp alý úshin paıdalaný tendenııasy jóninde habarlamalar túsýde.
"Túrkistan oblysy Saryaǵash aýdanynyń ákimdigi Bolat Nazarbaevtyń múlkin qaıtarý syltaýymen kórshi kásipkerlerden 2017 jyly Qarjy mınıstrliginiń ashyq aýkıonynan biryńǵaı lotpen satyp alynǵan sanatorıı nysandarynyń bir bóligin tartyp alǵanyn mysal retinde aıtýǵa bolady. Osyǵan baılanysty sanatorıı 2 mıllıard teńge kóleminde shyǵynǵa ushyrady. Osy sııaqty "QTJ" akıonerlik qoǵamy arqyly Pavlodar oblysyndaǵy Atyǵaı stanııasyndaǵy ǵımaratty jáne temirjol joldaryn 2011 jyly salǵan "ANGRENSOR Ltd" JShS-nen tegin alyp berý úshin sot arqyly mindettedi. Bul obektilerdiń quny 1,5 mıllıard teńgeden asady. Osy sııaqty basqa da habarlamalar túrli aımaqtardan kelip jatyr. Bul – menshik bólisýdiń tutas bir tájirıbesi qalyptasyp kele jatqanynyń belgisi", – dedi depýtat óz suraýynda.
Perýashevtiń aıtýynsha, reıderler keıde bul áreketterdi Eski Qazaqstannyń daýly tulǵalary men olıgarhtarymen baılanysty zańsyz aktıvterdi qaıtarýmen aqtaýǵa tyrysady.
"Ak jol" demokratııalyq partııasy osy baǵytta naqty jumystardy tolyqtaı qoldaıdy. Biz 2013 jyldan bastap bul taqyrypta kóptegen depýtattyq suraýlardy joldadyq jáne tıisti zańdy talqylaýǵa belsene qatystyq. Shynynda da, eski Qazaqstannyń zańsyz aktıvterin qaıtarý aıasynda erikti proedýra qarastyrylǵan. Alaıda, joǵaryda atalǵan mysaldardyń eshqaısysynda olıgarhtar týraly sóz bolmaıdy. Saryaǵashtaǵy sanatorıı jaǵdaıynda marqum Bolat Nazarbaevtyń kompanııasyna obektiler qaıtarylǵan, al adal kásipkerlerdiń zańdy túrde aýkıonnan satyp alynǵan múlki osy syltaýmen tárkilengen", - dedi Perýashev.
