Qaraǵandy oblysynda bıyl 1 mln 300 myń tonna astyq ónim jınaldy. Bul rekordtyq kórsetkish. Al jalpy aýyl sharýashylyǵy ónimderin óndirý boıynsha Qaraǵandy oblysy elimizde jetinshi orynda tur. Jergilikti fermerler tek oblystyń ǵana emes, Astananyń da azyq-túlik qaýipsizdigin qamtamasyz etedi.
Agrarlyq salanyń áleýetin odan ári qalaı arttyra túsetinin oblys ákimi Ermaǵanbet Bólekpaev Ortalyq kommýnıkaııalar qyzmetinde ótken brıfıngte aıtty.
– Agrarlyq ónerkásip keshenine jyl sońyna deıin 23 mlrd teńgeden astam somaǵa 30 ınvestıııalyq joba iske asyrylady. Aýyldardy damytý aıasynda "Aýyl amanaty"jobasyn erekshe atap ótken jón. Memleket basshysy halyqtyń ál-aýqatyn arttyrý jóninde naqty tapsyrmalar berip, osy baǵdarlamanyń tıimdiligin atap ótti. Bizdiń oblysta "Aýyl amanaty" jobasy boıynsha 483 shaǵyn nesıege 4,4 mlrd teńge bólindi. Onyń jartysy mal sharýashylyǵyn damytýǵa, qalǵan bóligi aýyl turǵyndarynyń bıznes – jobalaryna baǵyttalǵan. Nátıjesinde aýyldyq jerlerde 816 jumys orny ashylyp, 60-tan astam aýyl sharýashylyǵy óndiristik kooperatıvteri quryldy, – dedi oblys ákimi.
Ol aýylsharýashylyq kooperaııasyn qoldaýdyń sátti mysaldaryn keltirdi. Aktogaı aýdanyndaǵy «Saq NS» SK nemis tehnologııasy boıynsha bıe sútin óndiretin eh ashyp, aı saıyn 30 tonna qymyz óndiredi. Qarqaralın aýdanyndaǵy «Mádı-Agro 7» SK et óndirisin arttyryp, ónimderin Qarmet kompanııasy tutynyp otyr.
