Qaraǧandy 2028 jylǧy TMD-nyŋ Jastar astanasy bolyp jariialandy, dep habarlaidy "Adyrna" ūlttyq portaly.
Būl turaly Qaraǧandy oblysynyŋ äkımı Ermaǧanbet Bölekpaev mälımdedı.
Äkımnıŋ sözınşe, TMD Ükımet basşylary keŋesınıŋ būl şeşımı Qazaqstannyŋ halyqaralyq gumanitarlyq yntymaqtastyqty damytudaǧy bedelın jäne jastardy qoldauǧa baǧyttalǧan memlekettık saiasattyŋ nätijesın körsetedı.
Öŋır basşysy bügınde Qaraǧandy oblysynda 303 myŋnan astam jas ömır süretının atap öttı. Onyŋ sözınşe, jastar volonterlık, ǧylym, bılım, käsıpkerlık jäne qoǧamdyq bastamalardy damytuǧa belsendı üles qosyp keledı.
"TMD-nyŋ Jastar astanasy märtebesı Qaraǧandy üşın halyqaralyq jastar yntymaqtastyǧyn keŋeituge, täjıribe almasuǧa jäne auqymdy jobalardy jüzege asyruǧa jaŋa mümkındık beredı", — dedı Ermaǧanbet Bölekpaev.
Äkımnıŋ aituynşa, öŋır halyqaralyq deŋgeidegı jobany joǧary därejede ūiymdastyruǧa daiyn.
