Qarjylyq monıtorıng agenttiginiń baspasóz qyzmeti «Kezbı» kompanııasyna qatysty qarajatty jymqyrý jáne salyq tóleýden jaltarý faktileri boıynsha sotqa deıingi tergeý bastalǵanyn málimdedi, dep habarlaıdy «Adyrna» ulttyq portaly.
Mańǵystaý oblysy boıynsha QMA departamenti «Kezbı» JShS atqarýshy dırektory Erjan Kezbaevqa qatysty, Qazaqstan Respýblıkasynyń Qylmystyq kodeksiniń 190-babynyń 4-bóligi, 2-tarmaǵy («Asa iri kólemdegi alaıaqtyq») boıynsha qylmystyq is qozǵady.
Ol «Ózenmunaıgaz» AQ kompanııa qyzmetkerlerine eńbekaqy tóleýge bólingen 321 mıllıon teńgeni jymqyrdy, jáne shamamen 1,5 mıllıard teńge kóleminde salyq tóleýden jaltardy degen kúdikke ilingen.
«2021 jyly «Kezbı» JShS «ÓzenMunaıGaz» AQ-men brıgada saǵatyna 65 myń teńge baǵamen jóndeý jumystaryn júrgizýge kelisimshart jasady. Keıin jumysshylardyń jalaqysy men medıınalyq járdemaqyny arttyrý maqsatynda quny brıgada úshin saǵatyna 87 myń teńgege deıin ulǵaıtyldy. Alaıda, tergeý málimetinshe, osy qarajattyń eleýli bóligi, atap aıtqanda 321 mıllıon teńge, áleýmettik jaǵdaıdy jaqsartpaı, kompanııa basshysy tarapynan jymqyrylǵan», - dep habarlady QMA.
Búgin kúdikti Erjan Kezbaev qamaýǵa alyndy. Qazirgi ýaqytta jasalǵan qylmystyń mán-jaıyn anyqtaýǵa baǵyttalǵan tergeý sharalary júrgizilýde.
Qylmystyq is júrgizý kodeksiniń 201-babyna sáıkes ózge málimetterdi jarııalaýǵa bolmaıdy.
