AQSh pen onyń odaqtastary kelesi aptada Izraıl men Hamas arasyndaǵy atysty toqtatý kelisimine qol qoıylatyny jaıly aıtyldy, dep habarlaıdy “Adyrna” ulttyq portaly CNN arnasyna silteme jasap.
Málimetterge sensek, Gazada atysty toqtatý týraly kelissózge qatysýshylar juma kúni eki kúndik raýndtyń aıaqtalǵanyn habarlady. Olar soǵysty toqtatý týraly kelisimge kelý úshin kelesi aptada Kaırde qaıta kezdesýdi josparlap otyr.
BAQ betterinde AQSh, Mysyr jáne Katar kelissózderiniń syndarly jáne oń atmosferada ótkenin aıtty. Olar eki tarapqa da óz usynystaryn bildirdi jáne aldaǵy kúnderi iske asyrý sharalarynyń egjeı-tegjeıleri boıynsha jumysty jalǵastyrýǵa úmittenedi.
Gazadaǵy soǵystyń aımaqtyq qaqtyǵysqa ulasýyna jol bermeýge baǵyttalǵan halyqaralyq dıplomatııa 16 tamyzda Ulybrıtanııa men Franııanyń syrtqy ister mınıstrleri Izraılge birlesken saparmen barǵan kezde kúsheıe tústi.
Sonymen birge Dohada halyqaralyq deldaldyqpen Izraıl men Hamas arasyndaǵy atysty toqtatý týraly kelissózderdiń kezekti raýndy aıaqtaldy.
Halyqaralyq qaýymdastyq Taıaý Shyǵystaǵy shıelenisti báseńdetýdiń eń jaqsy joly Izraıl men Hamas arasyndaǵy soǵysty toqtatý jáne ızraıldik kepilge alynǵandardy bosatý týraly kelisim bolady dep sanaıdy.
Eske sala keteıik, buǵan deıin Izraıl Gazadaǵy mektepke soqqy jasap, júzden astam adam qaza bolǵan edi.
