Erkin kúresten Tıranada ótip jatqan álem chempıonatynda jeńimpaz atandy, dep habarlaıdy “Adyrna” ulttyq portaly.
Otandasymyz fınalda japon balýany Ioshınosýke Aoıagıden basym tústi. Esep: 3-5.
Eske sala ketsek, Nurqoja Qaıpanov dál osy salmaqta (70 keli) 5 jyl buryn elimizdiń astanasynda ótken álem chempıonatynda kúmis júldege ıe bolǵan edi.
Osylaısha, elimizden 2-jyl qatarynan erkin kúresten álem chempıony shyqty. Byltyr Serbııa astanasy Belgradta Rızabek Aıtmuhan 92 kelige deıingi salmaqta top jarǵan bolatyn.
Bul joly Nurqoja Qaıpanov irikteýde Mıtchell Fınesılverdi (Izraıl), keıin Nıkolaı Grahmezdi (Moldova), Akakı Kemertelıdzeni (Grýzııa) aıqyn basymdyqpen jeńdi. Jartylaı fınalda tájikstandyq Abdýlmajıd Kýdıevti taza jyqty.
Osymen Tıranadaǵy Olımpıada baǵdarlamasyna kirmeıtin salmaqtar boıynsha álem chempıonaty máresine jetti. Qazaqstan quramasy 1 altyn, 2 kúmis medal jeńip aldy.
