Májilis depýtattary Qazaqstan azamattaryna soǵys jaǵdaıy kezinde jáne soǵys ýaqytynda áskerde erikti bolýǵa múmkindik beretin zań jobasyn qabyldady, dep habarlaıdy «Adyrna» ulttyq portaly.
Qujatqa sáıkes, endi zańnamada «erikti» uǵymy paıda bolady.
«Quramyna eriktiler kiretin ózin-ózi qorǵaý quramalary jergilikti áskerı basqarý organdarynyń negizinde qurylady jáne olarǵa tikeleı baǵynatyn bolady. Beıbit ýaqytta daıyndyq birqatar is-sharalardy, sonyń ishinde eriktilerdi oqytýdy qamtıdy», - dedi Qorǵanys mınıstriniń orynbasary Sultan Kamaletdınov Májiliste.
Zań jobasynyń qorytyndysyna sáıkes, Qazaqstan azamattarynyń mobılızaııa, soǵys jaǵdaıy men soǵys ýaqytynda ózin-ózi qorǵaý qurylymdaryna erikti túrde qosylý múmkindigi qarastyrylady.
