Búgin, 28 qazanda 100 mln teńgege burynǵy ulttyq ekonomıka mınıstri Qýandyq Bıshimbaevtyń jazasyn jeńildetýdi usynǵan áıel Lıýdmıla Grachevanyń soty ótti, dep habarlaıdy «Adyrna» tilshisi.
Isti Astana qalasynyń qylmystyq ister jónindegi mamandandyrylǵan aýdanaralyq soty alqabılerdiń qatysýymen qarady. Sottalýshy mamyr aıynda «Qýandyq Bıshimbaevtyń úkimin jeńildetý úshin apellıaııalyq satyǵa para berýge bolady» dep Álmıra Nurlybekovanyń úıine kelip, 100 mln teńge suraǵan. Sol kúni keshke atalǵan somany Bıshimbaevtyń anasy áıelge bergen.
«Alaıda sottalýshy N-nyń aqshalaı qarajatyn aldaý jolymen urlaý jónindegi áreketteri oǵan táýelsiz mán-jaılar boıynsha, ıaǵnı Antıkor qyzmetkerleriniń qylmystyq áreketti áshkereleýine baılanysty sońyna deıin jetkizilgen joq. Sottalýshynyń kinási kýágerlerdiń aıǵaqtarymen, saraptamalardyń qorytyndylarymen, jasyryn tergeý áreketteriniń nátıjelerimen, beınejazbamen jáne qylmystyq is boıynsha basqa da materıaldarmen dáleldendi»,—dep túsindirdi aýdanaralyq sot.
Áıelge alaıaqtyq jasaýǵa oqtaldy jáne asa iri mólsherde para berýge ıtermeledi degen aıyp taǵyldy. Sot Lıýdmıla Gracheva kináli dep tanyp, qylmystar jıyntyǵy boıynsha 10 jylǵa bas bostandyǵynan aıyrýǵa sheshim qabyldady.
