DOSTYQ ÚIINDE KONSTITÝIIa KÚNI ATALYP ÓTTI

4461
Adyrna.kz Telegram

Tamyzyndyń 28 kúni Taraz qalasynyń Dostyq úıinde Jambyl oblysy  QHA Analar men aqsaqaldar keńesiniń etnomádenı birlestik jastarymen Qazaqstan Respýblıkasynyń Konstıtýııa kúnine oraı «Elimniń erkindigi – Ata Zańym» atty kezdesýi ótti, dep habarlaıdy adyrna.kz ulttyq portaly Jambyl oblysy ákimi apparaty «Qoǵamdyq kelisim» KMM  baspasóz ortalyǵyna silteme jasap.

Kezdesýdi Jambyl oblysy Qazaqstan halqy assambleıasy men oblys ákimi apparatynyń «Qoǵamdyq kelisim» KMM uıymdastyrdy. Jıynǵa oblystyq QHA etnomádenı birlestikteriniń ókilderi, «Jańǵyrý joly» jastar qozǵalysy, oblystyq jáne qalalyq BAQ tilshileri qatysty. Jambyl oblysy ákimi apparatynyń «Qoǵamdyq kelisim» KMM basshysy Rano Ýbaıdýllaevanyń aıtýynsha, elimiz quqyqtyq memleketke aınalǵan. Sondaı-aq ol Ata zańnyń arqasynda elimizdegi ár túrli etnos ókilderi tatý-tátti ǵumyr keship jatqanyn málimdedi.

Odan keıin QHA Analar keńesiniń tóraıymy, «Jambyl oblysynyń ózbek etnomádenı birlestigi» qoǵamdyq birlestiginiń basqarma múshesi – Mýhabbat Mırajapova  «Qazaqstan Respýblıkasynyń Konstıtýııasy - erkindik, teńdik jáne bostandyq murattaryn ustaný» taqyrybynda sóz sóılep, Konstıtýııamyzdyń erekshe tustaryn atap ótti.  Al «Ahyska»  túrik  etnomádenı ortalyǵy» qoǵamdyq birlestiginiń Jambyl oblystyq fılıaly» tóraǵasynyń orynbasary Ibragım Zýfarov  Ata zańymyz – Konstıtýııanyń bizdiń ómirimizdegi mańyzdylyǵy jóninde baıandama jasady.

– Qazaqstan Konstıtýııasyna sáıkes  qazaqstandyqtardyń ultyna, tiline, dinine shekteý qoıylmaı, quqyqtary teń dárejede qaralady. Budan bólek kez-kelgen Qazaqstandaǵy etnos óz salt-dástúrlerin ustanýǵa, kópshilik nazaryna usynýǵa quqyly bolyp otyr. Árbir qazaqstandyq azamat konstıtýııada kórsetilgen zańǵa sáıkes áreket etse, Qazaqstannyń bolashaǵy jarqyn bolary anyq. «Ahyska» etnomádenı birlestigi elimizdiń Ata zańyna tolyq arqa súıep, medet tutamyz, – dedi ol.

Jıyn sońynda Jambyl oblysy ákimi apparatynyń «Qoǵamdyq kelisim» KMM basshysy Rano Mahsudqyzy is-sharaǵa qatysqan etnomádenı birlestikterdiń aǵa býyny men jastaryn  Konstıtýııa kúnimen quttyqtady.

«ADYRNA»

ulttyq portaly

Pikirler