Qazaq tildi qoǵam orys tildilerdiń quly

262

Orys tildi qazaqtardyń (tilin múldem umytqandar) janynda kóp júrgendikten olardyń tanym túsinigin jaqyn tanımyn. Olar Nazarbaevty qoldaıdy, onyń aıtqan sózderin únemi tyńdaıdy. Meniń tereńdep baryp uqqanym, olar Nazarbaevtyń tek oryssha ǵana sóılegenin qalaıdy. Jan dúnıesi de Nazarbaev dep turady. Ony Delta PV kompanııasynda ıýrıst bolyp jumys jasaǵan Ádiljan degen jigitten anyq kórdim. Ol elbasy joldaý joldaıdy dep, byltyr ofısten shyǵyp, úıine tartyp turǵanda ań tań boldym. Al, qazaq tildi qoǵam joldaý degendi ólse de qabyldamaıdy. Olar senbeıdi. Senimi ólgen. Orys tildilerdiń bul ustanymy neni bildiredi? Nege degen bir zańdy suraq sýmańdaıdy. Rasynda nege? Nege deseńiz, búkil tender orys tildilerdiń qolynda, búkil qarjy orys tildilerdiń qolynda, búkil bıznes orys tildilerdiń qolynda, búkil is qaǵazdardy orys tildilerdiń qolynda. Olar barlyq taraptan tolyq qamtamasyzdandyrylǵan. Bar bılik solarda. Olar sol úshin orys tildi, orys bıliktiń ıesi, jany orysqa jaqyn Nazarbaevty ólip talyp qoldaıdy. Mine, jany men rýhy bir, rýhtas, qazaqtildi qoǵamdy tonaýshy olıgarhııalyq top osylar. Al, qazaq tildi qoǵam she? Qazaq tildi qoǵam olardyń quly. Bar jumysyn, bar tenderdegi tabysyn qazaq tildi qoǵam taýyp berip jatyr. Olar qazaq tildi qoǵamdy óte tómen sanaıdy. Elıta dep tanymaıdy. Sebebi joǵaryda aıtylyp tur. Olar qatty baıyp ketken. Olarǵa úı men jaıdy, óte qymbat kólikti aýystyrý túkke de turmaıdy. Men janynda júrmin ǵoı olardyń.

Oıan, qazaq tildi qoǵam! Oıan, mynaý eldiń qojaıyny sendersińder.

 

Bekbolat QARJAN

"Adyrna" ulttyq portaly

Pikirler