Táýelsizdigimizdiń tiregi - Qazaqstan Respýblıkasy Konstıtýııasy kúni qutty bolsyn! Osynaý aıtýly kún qarsańynda memlekettigimizdiń bas qujaty Ata Zań qabyldanǵan kúndi qalaı atap ótken jón degen saýal týrasynda oı bólissek.
Halyq bul merekeni «qosymsha demalys beretin kún» nemese «jumystan syıaqy alatyn kún»,- dep eseptemes úshin ne isteýimiz qajet?
Men birer jyl Norvegııada turǵanym bar edi. Sol kezde norvegterdiń Konstıtýııa kúnin qalaı toılaıtynyna kýá boldym. Bul elde konstıtýııa kúni shyn máninde búkilhalyqtyq merekege aınalǵan. 17-mamyrdy eńbektegen náresteden eńkeıgen qartqa deıin asyǵa kútip, shyn nıetimen toılaıtyny syrt kózge birden kórinedi.
Bul kún - norvegter úshin mereke tańnan bastalady. Aýlalaryna, balkondaryna ózderiniń týlaryn ilip, týǵan-týys, aǵaıyndarymen alańǵa shyǵady. Jáı ǵana shyqpaıdy. Ózderiniń ulttyq kıimderin kıip, ózderiniń norveg ekenine, táýelsiz el ekenine masattanyp shyǵady. Osy eldi mekendeıtin ózge ult ókilderi de norveg ulttyq kıimderin kıip, bul úrdisten qalys qalmaıdy. Bul kúni Norvegııanyń ár qalasynyń úlken alańdarynda túrli paradtar bolady. Balalar parady, áskerıler parady degendeı túrlenip kete beredi. Jyl on eki aı osy elde bolǵan adam Konstıtýııa kúniniń norvegter úshin eń aıtýly kún ekenin toılaý masshtabyna qarap ańǵarǵan bolar edi. Urpaqtar sabaqtastyǵyn da, naǵyz «Rýhanı jańǵyrýdy» da dáp sol kúni Norvegııadan kóresiz.
Bul merekeniń bizdiń elde de dál osylaı esh jasandylyqsyz toılanǵanyn qalar edim. Elimizdegi ár azamat óziniń ultyna, násiline, dinı nanym-senimine qaramaı, memleketimizge, Ata Zańymyzǵa degen qurmetin shynaıy kórsetip, merekeni bar nıetimen atap ótkenin qalaımyn. Osyndaı merekege kózi qanyp ósken jas urpaq keleshekte óz eliniń patrıoty bolady emes pe? «Tárbıe tal besikten»,- dep dana halqymyz tegin aıtqan joq. Biz jas balanyń sana sezimine kishkentaı kezinde osynaý sáýleni durys quıa bilsek, ol erteń erjetken kezde ózi-aq bul merekeni qalaı toılaý kerek ekenin bilip turar edi.
Sondyqtan da menińshe barshamyz Ata zańymyz qabyldanǵan kúndi otbasymyzda atap ótýdi dástúrge aınaldyryp, balalarymyzǵa búgin qandaı keremet mereke ekenin túsindirip, kók baıraǵymyzdy kóterip, Otanymyzǵa degen qurmetimizdi kórsetkenimiz jón dep oılaımyn. Ýaqyt óte bul tamasha dástúrge aınalyp keteri sózsiz.
Bıbıgúl Jeksenbaı, Astana telekanalynyń basshysy
"Adyrna" ulttyq portaly
