Bügın Qaraǧandyda 22 jastaǧy Alika Mūhamadievaǧa qatysty ükım şyǧaryldy. Ol äleumettık jäne ūltaralyq arazdyqty qozdyrdy degen aiyppen 3,5 jylǧa bas bostandyǧynan aiyryldy. Bıraq jazasy 2 jylǧa keiınge qaldyryldy, sebebı kışkentai balasy bar, dep habarlaidy “Adyrna”.
Prokuror aiyptaluşyǧa 4,5 jyl bas bostandyǧynan aiyru jazasyn sūrady, alaida ükımnıŋ oryndaluyn tört jylǧa — onyŋ qyzy 14 jasqa tolǧanǧa deiın keiınge qaldyrudy ötındı.
Bügın Qaraǧandy qalasynyŋ Qazybek bi atyndaǧy audanynyŋ soty Alika Mūhamadievaǧa qatysty Qylmystyq kodekstıŋ 174-babynyŋ 1-bölıgı boiynşa bas bostandyǧynan aiyru jazasyn taǧaiyndaǧan aiyptau ükımın şyǧardy.Osy ükımmen oǧan Qylmystyq kodekstıŋ 74-babynyŋ tärtıbınde jazany oryndaudy keiınge qaldyru şarasy taǧaiyndaldy. Keiınge qaldyrudy qoldanuǧa onyŋ 2 jasar balasynyŋ boluy negız boldy. Alika Mūhamadieva 3,5 jylǧa bas bostandyǧynan aiyrylatyn boldy.
Eske salaiyq, Alika Mūhamadieva şılde aiynda äleumettık jelıde jariialaǧan qorlaityn jazbalary men pıkırlerı üşın ūstalǧan. Ol qazaqstandyqtardy «mambet», mūsylmandardy «doŋyz», al qazaq tılın «jartylai qalbit dialektısı» dep ataǧan.
Būl jazbalar qoǧamda ülken narazylyq tuǧyzdy. Artynşa Alika video arqyly keşırım sūrap, öz äreketıne ökınetının aitty. Bıraq būl onyŋ jaǧdaiyn jeŋıldetpedı – oǧan qatysty QR Qylmystyq kodeksınıŋ 174-baby («Ūltaralyq arazdyqty qozdyru») boiynşa ıs qozǧaldy.
Bügın sotta Mūhamadieva közıne jas alyp, köpşılıkten keşırım sūrady.
«Qatty ūialamyn, kınämdı moiyndaimyn. Menıŋ kışkentai qyzymnyŋ bar ekenın eskerulerıŋızdı sūraimyn. Adam qolynda bardyŋ qadırın ony joǧaltqanda ǧana tüsınedı», — dedı ol.
