Qazaqstan saıahattaýǵa eń jaqsy elderdiń tizimine endi, dep habarlaıdy «Adyrna» ulttyq portaly Týrızm jáne sport mınıstrliginiń baspasóz qyzmetine siltep.
Lonely Planet-tiń bedeldi Best in Travel 2025 reıtıngine engen Qazaqstan taǵy da álemdik týrısterdiń nazaryn aýdardy. Jyl saıyn basylym kelesi jylǵa arnalǵan eń jaqsy týrıstik baǵyttardyń tizimin jarııalaıdy. Bıyl Qazaqstan óziniń erekshe tabıǵatymen, baı mádenıetimen jáne tarıhı murasymen tanylyp, álemniń jetekshi elderiniń qatarynan oryn aldy.
Lonely Planet sarapshylar toby saıahatshylardyń, kompanııa qyzmetkerleriniń, gıd avtorlarynyń jáne basqa da týrızm mamandarynyń usynystaryna negizdelgen týrıstik baǵyttarǵa egjeı-tegjeıli taldaý jasaıdy.
«Qazaqstan – jaı ǵana baratyn jer emes, bul ashylýǵa turarlyq tutas álem, saıahattaýǵa turarlyq erekshe sapar jáne sizdiń bir bólshegińizge aınalatyn tarıh. Qazaq dalasynda ornalasqan qalalardy qorshaǵan sheksiz jazyqtarda ejelgi Jibek jolynyń sybdyry seziledi,» – dep jazady Lonely Planet basylymy.
