Ortalyq Aziiadaǧy paiǧambardyŋ alǧaşqy mūrajaiy aşylady. Būl turaly Qazaqstan Respublikasynyŋ Jidda qalasyndaǧy Bas konsuly Ruslan Qospanov pen Mekkedegı Paiǧambardyŋ halyqaralyq mūrajaiy ökılderımen kezdesuınde aityldy, dep habarlaidy "Adyrna".
«Bas konsul būǧan deiın Düniejüzılık mūsylman ligasynyŋ basşylyǧymen qol jetkızılgen uaǧdalastyqtarǧa säikes jäne Qazaqstan mūsylmandary dıni basqarmasynyŋ qatysuymen, qazırgı uaqytta Qazaqstan Respublikasynyŋ elordasy Astana qalasynda Ortalyq Aziiadaǧy alǧaşqy Paiǧambar mūrajaiyn aşu jönındegı jūmystar jürgızılıp jatqanyn atap öttı», – dep jazylǧan Syrtqy ıster ministrlıgınıŋ habarlamasynda.
Mekkedegı halyqaralyq mūrajaidyŋ ekskliuzivtı operatory – Al-Salam Company (ASC). Astanada salynuy kerek mädeni nysannyŋ operatory da däl osy kompaniia bolady. Ekı tarap arnaiy memorandumǧa qol qoidy. Al-Salam Company bas menedjerı Faiez Kansara būl bastamany joǧary baǧalap, Qazaqstannyŋ mūrajaiǧa qatysty osyndai kelısımge qol qoiǧan alǧaşqy şet memleket bolǧanyn erekşe atap öttı.
Qūjatqa säikes, qazaq azamattaryna Mekkedegı Mūhammed paiǧambardyŋ ömırbaiany jäne islam örkenietı halyqaralyq mūrajaiyna kıruge jeŋıldıkter berıledı. Atalǧan bastama Mekke men Mädina qalalaryndaǧy mūrajaidyŋ filialdaryna da qoldanylady jäne şekteulı merzım ışınde jüzege asyrylady, odan keiın taraptardyŋ qalauy boiynşa ūzartyluy mümkın.
