قازاقستان ساياحاتتاۋعا ەڭ جاقسى ەلدەردىڭ تىزىمىنە ەندى، دەپ حابارلايدى «ادىرنا» ۇلتتىق پورتالى تۋريزم جانە سپورت مينيسترلىگىنىڭ ءباسپاسوز قىزمەتىنە سىلتەپ.
Lonely Planet-ءتىڭ بەدەلدى Best in Travel 2025 رەيتينگىنە ەنگەن قازاقستان تاعى دا الەمدىك تۋريستەردىڭ نازارىن اۋداردى. جىل سايىن باسىلىم كەلەسى جىلعا ارنالعان ەڭ جاقسى تۋريستىك باعىتتاردىڭ ءتىزىمىن جاريالايدى. بيىل قازاقستان ءوزىنىڭ ەرەكشە تابيعاتىمەن، باي مادەنيەتىمەن جانە تاريحي مۇراسىمەن تانىلىپ، الەمنىڭ جەتەكشى ەلدەرىنىڭ قاتارىنان ورىن الدى.
Lonely Planet ساراپشىلار توبى ساياحاتشىلاردىڭ، كومپانيا قىزمەتكەرلەرىنىڭ، گيد اۆتورلارىنىڭ جانە باسقا دا تۋريزم ماماندارىنىڭ ۇسىنىستارىنا نەگىزدەلگەن تۋريستىك باعىتتارعا ەگجەي-تەگجەيلى تالداۋ جاسايدى.
«قازاقستان – جاي عانا باراتىن جەر ەمەس، بۇل اشىلۋعا تۇرارلىق تۇتاس الەم، ساياحاتتاۋعا تۇرارلىق ەرەكشە ساپار جانە ءسىزدىڭ ءبىر بولشەگىڭىزگە اينالاتىن تاريح. قازاق دالاسىندا ورنالاسقان قالالاردى قورشاعان شەكسىز جازىقتاردا ەجەلگى جىبەك جولىنىڭ سىبدىرى سەزىلەدى،» – دەپ جازادى Lonely Planet باسىلىمى.
