Qazaqstannyń BRIKS-ten bas tartýyna qatysty jaǵdaı naqtylaýdy qajet etedi. Bul týraly Reseı syrtqy ister mınıstri Sergeı Lavrov «Argýmenty ı fakty» gazetine bergen suhbatynda aıtty, dep habarlaıdy «Adyrna» tilshisi.
Saıasatker Qazaqstannyń EQYU, TMD, UQShU, ShYU syndy kóptegen uıymǵa múshe ekenin jáne Túrki memleketteri uıymynyń belsendi múshesi bolyp otyrǵanyn atap ótti.
«Túrki memleketter uıymy Ortalyq Azııadaǵy odaqtastarymyz ben strategııalyq seriktesterimizge úlken kóńil bóledi. Munyń eshqaısysy Qazaqstannyń nemese Ortalyq Azııanyń basqa elderiniń ámbebap qurylymy bolyp sanalatyn, biraq qazir daǵdarysty bastan keshirip otyrǵan Birikken Ulttar Uıymyna belsendi qatysýyna esh kedergi keltirip otyrǵan joq. Bizdiń ońtústik kórshilerimiz, UQShU-daǵy, EAEO-daǵy odaqtastarymyz aldaǵy ýaqytta BRIKS-pen jaqyndasýdyń tikeleı paıdasyna kóz jetkizetin sııaqty. Uıymǵa múshe bolý mindetti emes, biraq naqty jobalar boıynsha birlesip jumys isteýge negiz bar. Bul bárimizdiń múddemizge saı dep oılaımyn»,- dedi ol.
Buǵan deıin prezıdenttiń baspasóz hatshysy Berik Ýálı Qasym-Jomart Toqaevqa uıymǵa kirý týraly usynystar túskenin aıtqan edi.
«Bul usynystardy memleket basshysy muqııat qarastyryp, onyń tapsyrmasymen tıisti vedomstvolar Qazaqstannyń ulttyq múddeleri turǵysynan taldap jatyr. Sonymen birge qazirgi ýaqytta jáne jaqyn bolashaqta Qazaqstan BRIKS-ke múshelikke ótinim berýden bas tartady»,—dep túsindirdi ol.
