Memlekettık syilyqtyŋ qaulysy älı şyqqan joq. Bıraq bäigeden maŋdaiy jarqyrap ozyp şyqqandar arasynda Qūlbek Ergöbek pen Svetqali Nūrjan bar degendı estıgenge öz basym qatty quanyp otyrmyn.
Ekeuı de eŋbekterı sıŋgen erler, oǧan eşkımnıŋ dauy bola qoimas degen ümıttemın.
Al "prozadan laureat bolmaidy eken" delıngelı degbırım qaşty. Menıŋşe,.osy joly ūsynylyp otyrǧandardyŋ bärı de laiyqty. Qazaq ädebietı prozada būryn-soŋdy däl qazırgıdei buyrqanysty dürkıreudı bastan keşıp körgen joq. Eger biyl eşkımge berılmese, būdan ötken qiianat pen qysastyq bolmaidy. Mädi Aiymbet, Quanyş Jienbai, Quandyq Tümenbai, Asqar Altai, Ädılbek Ybyraiymūly, Duman Ramazan... Menıŋ estıgenım osylar. Atalǧandardyŋ qai-qaisysy da laiyq.
Soŋǧy jyldary jazyp jürgen öz kıtabyma bailanysty Äbılqaiyr han men Bopai hanymdy bıraz zerttedım. Soǧan orai hanymnyŋ qazaq tarihynda alatyn zor rolı baryna köz jetkızdım. Olai bolsa, Bopai turaly jazylǧan romannyŋ da qūndy ekenı anyq. Būlardyŋ bärı qazaq ädebietınde öz oryndary men örnekterı bar qalamgerler. Sonyŋ ışınde "Semser jüzındegı sert" sekıldı trilogiia da jyl tūrmaq, on-jiyrma jylda da jazyla bermeidı. Bızde epik jazuşylar da köp bolǧan joq. Sausaqpen sanaulyq qana. Qaisy bır jyly Sailaubai Jūbatyrūly da "Abyrjy" degen epikasymen qūlatyp jıberıldı. Mūnyŋ bärı ädebiettı baǧalamau bolyp tabylady.
Qalai degende de, ädebiettıŋ tıregı - proza. Būl saladan qoldyŋ salasyndai bolyp üzılıp şyǧyp tūrǧan tuyndylardyŋ bärı memlekettık syilyq sülbesınıŋ küresınıne laqtyryla salynsa, jalpy ädebiet turaly söz qozǧap, oi soraptap jatudyŋ özı artyq.
Degenmen, būlardyŋ özı Qūlbek pen Svetqali üşın quanyştyŋ qauyzyn basa almaidy.
Öz paiymym.
Serik Pirnazar
Ūqsas jaŋalyqtar
