AQSh-tyń Pensılvanııa shtatynda turyp jatqan Fetýllahchı lańkestik uıymynyń jetekshisi Fethýlla Gúlen 84 jasqa qaraǵan shaǵynda qaıtys boldy, dep habarlaıdy «Adyrna» tilshisi CNN-ge silteme jasap.
Ol 20 qazan kúni Pensılvanııadaǵy klınıkada jan tapsyrǵan. Túrik dinı lıderiniń baspasóz hatshysy sońǵy kezderi Gúlenniń densaýlyǵy syr bergenin málimdedi. Qoǵam qaıratkeri qant dıabeti jáne demenııa dertine shaldyqqan.
Aıta keteıik, Fethýlla Gúlen – túriktiń qoǵam jáne dinı qaıratkeri, jazýshy, aqyn, din ýaǵyzshysy. 1999 jyly AQSh-qa qonys aýdarǵan qaıratker kezinde Erdoǵannyń odaqtasy bolǵan. Erdoǵan men onyń dinı konservatıvtik Ádilet jáne damý partııasynyń 2002 jyly bılikke kelýine kómektesken. Alaıda odaqtastar kóp uzamaı bılikti bólisý daýyna baılanysty arazdasyp qalǵan bolatyn. Sol jyly mamyr aıynda Gúlen qozǵalysy Túrkııada terrorıstik uıym bolyp jarııalandy. Ol memlekettiń zaıyrly sıpatyn ózgertý úshin tóńkeris jasamaq boldy degen aıyppen qýǵyndalǵan edi. Alaıda bul aıyp dáleldenbedi.
Qazaqstan musylmandarynyń dinı basqarmasynyń ustanymy boıynsha, gúlenshiler jamaǵaty Saıd Nursı ıdeıalaryn basshylyqqa alady. «Hızmet» qozǵalysy álemniń 140-tan asa elinde mektep ashqan.
Buǵan deıin Túrkııa prezıdenti Rejep Erdoǵan elimizdegi qazaq-túrik lıeıin tikeleı Gúlenmen baılanystyrǵan edi. Basshy bul bilim ordalary din ýaǵyzshysynyń ilimin oqytyp jatyr dep málimdegen bolatyn. Sol tusta mektepterge tekseris júrgizildi. Qazirgi tańda qazaq-túrik lıeıleriniń ataýy «Bilim-ınnovaııa lıeıi» dep ózgertildi. Bilim ordasy óz jumysyn toqtatpady.
