Qostanailyq azamat veipterdı, aromatizatorlar men sūiyqtyqtardy zaŋsyz äkelıp, taratqany üşın jauapqa tartyldy, dep habarlaidy «Adyrna» ūlttyq portaly.
AFM mälımetıne säikes, Qostanai tūrǧyny Reseiden atalǧan zatty jetkızıp, olardy Qazaqstan aumaǧynda Telegram arnasy arqyly satqan.
Şetel asyp kelgen önımdı kurerler men poşta arqyly elımızdıŋ tükpır-tükpırıne jetkızıp otyrǧan. Tauardy satyp alu qūny 100 myŋ teŋgeden bastalyp,tek şetel azamatynyŋ atyna tırkelgen bank kartasy arqyly tölenıp otyrǧan. Būl tyiym salynǧan önımnıŋ zaŋsyz saudasyn jasyru maqsatynda ūiymdastyrylǧan.
Küdıktınıŋ üiınde jürgızılgen tıntu barysynda şamamen 45 million teŋge tūratyn 7,5 myŋǧa juyq veip tärkılendı. Sot ükımımen aiyptaluşyǧa 1 jyl merzımge bostandyǧyn şekteu jazasy taǧaiyndalyp, probasiialyq baqylau ornatyldy. Tärkılengen veipter joiylatyn boldy.
Tergeu ısı 17 qyrküiekte Qostanai oblysy prokuraturasynyŋ zaŋsyz veip äkelu men taratudy anyqtauynan bastau aldy.
