Májilis Qazaqstanǵa veıpterdi ákelýge, óndirýge jáne satýǵa tolyq tyıym salatyn zań qabyldady. Tártip buzǵandar qylmystyq jaýapkershilikke tartylady, - dep habarlaıdy "Adyrna" ulttyq portaly.
"Keıbir zańnamalyq aktilerge densaýlyq saqtaý máseleleri boıynsha ózgerister men tolyqtyrýlar engizý týraly" Zańda veıpterdi zańsyz aınalymǵa jibergeni úshin qylmystyq jaýapkershilik qarastyrylǵan:
- veıp satqany úshin eń aýyr jaza - 50 táýlikke deıin qamaýǵa alý;
- ákelý jáne taratý úshin – 2 jylǵa deıin bas bostandyǵynan aıyrý;
- qylmystyq top jasaǵan ne asa iri mólsherde ne birneshe ret jasalǵan dál sol áreketter úshin - 5 jylǵa deıingi merzimge bas bostandyǵynan aıyrýǵa jazalanady.
Sonymen qatar, medıınalyq qyzmetkerlerge emdelýshiniń jeke erekshelikterine qaraı emdeýdiń ońtaıly ádisterin tańdaý múmkindigin berý úshin medıınalyq kómek kórsetý kezinde mindetti túrde klınıkalyq hattamany qoldaný alyp tastaldy.
