Qazaqstandyq jasöspırım älem chempionatynda altyn medaldı jeŋıp aldy, dep habarlaidy "Adyrna" ūlttyq portaly QazAqparatqa sıltep.
Klassikalyq şahmattan oquşylar arasynda Peru astanasynda ötken 2024 jylǧy älem chempionatynda astanalyq Aiaru Altynbek 13 jasqa deiıngı oquşylar arasynda jeŋımpaz atandy.
Ol elordadaǧy №9 «Zerde» mamandandyrylǧan liseiınıŋ oquşysy. Aiaru jarystyŋ aiaqtaluyna bır tur qalǧanda, merzımınen būryn jeŋıske jettı.
1 mamyr künı aşyluy ötken chempionatqa Peru, Qazaqstan, Ekvador, Boliviia, Meksika, Kolumbiia jane Moŋǧoliiany qosqanda, 26 elden 1174 jas şahmatşy qatysty. Bügınde jeŋımpazdyŋ 6-synyptyŋ üzdık oquşysy ekenı anyqtaldy.«Eŋ joǧary reitingtık ūpaiy (1868) bar şahmatşy soŋǧy turdy sättı aiaqtap, 9 partiiadan 8,5 ūpai jinady. Söitıp, kümıs jüldegerden 1,5 ūpaiǧa ūzap kettı. Aiaru qazırgı kezde grossmeister Anton Filippovpen bırge jattyǧady», - dedı Qazaqstan şahmat federasiiasynyŋ baspasöz qyzmetı.
Ūqsas jaŋalyqtar
