Elorda soty Saltanat Núkenovany óltirgeni úshin sottalǵan Qýandyq Bıshimbaevtyń jazasyn jeńildetý úshin 100 mıllıon teńgege kómektesýdi usynǵan adamǵa qatysty tergeý isi bastalǵany anyqtaldy, dep habarlaıdy "Adyrna" ulttyq portaly.
Maýsym aıynda elorda turǵyny áıelin óltirgeni úshin sottalǵan burynǵy ulttyq ekonomıka mınıstri Qýandyq Bıshimbaevtyń úkimin jeńildetý syltaýymen aldaý arqyly 100 mıllıon teńge ıelendi dep kúdikke ilindi.
24 jylǵa sottalǵan eks-mınıstrdiń advokattary oqıǵanyń egjeı-tegjeıin aıtyp, kúdikti jasandy aqshany alý kezinde ustalǵanyn habarlady.
Keıin Sybaılas jemqorlyqqa qarsy qyzmet Bıshimbaevtyń týystarynyń ótinishi boıynsha áıelge qatysty tergeýdi bastady. Bıylǵy tamyzda Astana turǵynyna qatysty isti tergeý aıaqtaldy.
17 qazan kúni Astana sotynda jaryssóz bastaldy.
Aıta keteıik, 13 mamyr kúni Bıshimbaevty 24 jylǵa barynsha qaýipsizdigi joǵary (qatań rejımdegi túzeý kolonııasy) túrmege qamaý týraly sheshim shyǵarylǵany aıtylǵan edi.
