Reseide Täjıkstan azamatşasy adyraspan ösımdıgın elge alyp kırmek bolǧany üşın segız jylǧa bas bostandyǧynan aiyryldy. Būl turaly «Aziia-Plius» basylymy Täjıkstan Bas prokuraturasyna sılteme jasap jariialady, dep habarlaidy "Adyrna".
Täjıkstan azamatşasy Reseidıŋ bır äuejaiynda ūstaldy. Oǧan Resei Federasiiasy Qylmystyq kodeksınıŋ 228-baby 2-bölıgı («Esırtkı zattaryn satuǧa maqsatsyz saqtau, tasymaldau, öndıru jäne öŋdeu») jäne 229.1-baby 3-bölıgı («Esırtkı zaty bar ösımdıkterdı Resei keden şekarasy arqyly zaŋsyz ötkızu») boiynşa aiyp taǧyldy.
«Tergeu aiaqtalǧannan keiın qylmystyq ıs sotqa jıberılıp, sot aiyptaluşyny 8 jylǧa bas bostandyǧynan aiyru turaly ükım şyǧardy», — dep mälımdedı Täjıkstan Bas prokuraturasy.
Būl ıs boiynşa basqa mälımetter joq. Sonymen qatar, taǧy bır täjıkstandyq azamatşa Reseidıŋ basqa äuejaiynda däl osyndai aiyppen ūstalǧany aitylǧan, bıraq onyŋ ısı boiynşa sottyŋ şeşımı habarlanbaǧan.
Bas prokuratura Täjıkstan azamattaryn adyraspan ösımdıgın Reseige alyp kıru jäne qoldanu äreketterınen bas tartuǧa şaqyrdy. Vedomstvonyŋ mälımetınşe, «10 danadan artyq hazorispand» tasymaldaǧan nemese saqtaǧan adamǧa 1 million rublge deiın aiyppūl nemese ömır boiyna bas bostandyǧynan aiyru jazasy qarastyrylǧan.
2024 jyldyŋ aqpan aiynda adyraspan Reseide esırtkı qūramdy ösımdıkter tızımıne engızılgen. Būl şeşımnıŋ sebebı — qūramynda ortalyq jüike jüiesın qozdyratyn ärı galliusinogen äserı bar garmin zatynyŋ boluy. Ol tıptı bırınşı qoldanudan-aq adamnyŋ densaulyǧyna auyr ziian keltıruı mümkın.
Al Ortalyq Aziia elderınde būl ösımdıkke sūranys joǧary jäne oǧan erekşe män berıledı: halyq arasynda adyraspan sättılık, bailyq äkeledı, jaman energiia men aurulardan qorǧaidy dep esepteledı. Adyraspandy köbıne tūtatyp, tütınımen üidı jäne adamdardy alastaidy. Türıkmenstannyŋ būrynǧy prezidentı Gurbangūly Berdımūhamedov būl ösımdıktı özınıŋ avtorlyǧymen şyqqan «Türıkmenstannyŋ därılık ösımdıkterı» atty kıtaptyŋ bırınşı tomyna engızgen. Türıkmender adyraspandy iuzarlyk dep ataidy.
