Qaraǧandy oblysynyŋ Saran qalasy men Abai oblysynyŋ Aiagöz qalasynan keiın päterlerdegı suyq turaly aqparat Aqtöbeden de kelıp tüstı, dep habarlaidy "Adyrna" ūlttyq portaly.
Būl turaly QazTAG mälımdedı.
Qazır avtomatika nelıkten ortalyq jylu közın ekı ret toqtatqanyn anyqtau üşın arnaiy mamandar kelıp jatyr eken.
«Aqtöbelıkter suyq päterlerde toŋyp otyr. Köpqabatty üilerge jylu qosyldy, bıraq barlyq üiler oǧan daiyn bolmai şyqty», – delıngen habarlamada.17 qazan künı Saran qalasynan keiın Abai oblysynyŋ Aiagöz qalasynda da jyludyŋ apattyq öşırıluı oryn alǧan. Aita keteiık, 15 qazan künı premer-ministr Oljas Bektenov Ükımet otyrysynda Saran qalasyndaǧy jylu beru mausymyndaǧy tötenşe jaǧdaidy qataŋ baqylauǧa alu kerektıgın aitqan bolatyn. Ükımet basşysy bärın bügın aiaqtaudy tapsyrdy.
"Būl – Saran qalasy äkımınıŋ jeke jauapkerşılıgı jäne oblys äkımdıgı tarapynan tiıstı baqylaudyŋ joqtyǧy", - dedı Oljas Bektenov.
“Qazandyq avtomatty apattyq rejimge qaita oraldy. Būl ornatu kezınde dūrys dep sanalady. Sondyqtan qazır onyŋ ne sebeptı apattyq rejimge ötkenın anyqtap jatyrmyz. Qazandyqta jylu berudıŋ bır bölıgı nelıkten toqtap qalǧanyn qajettı mamandarmen bırlesıp tekserıp jatyrmyz”, – dedı Qaraǧandy oblysynyŋ energetika jäne tūrǧyn üi-kommunaldyq şaruaşylyq basqarmasynyŋ basşysy Tılektes Dosaev.Eske sala keteiık, premer-ministr 24 qyrküiek künı prezidentke bergen esebınde elımızdıŋ öŋırlerı jylu beru mausymyna 98,3% daiyn dep sendırgen edı.
«Äleumettık nysandardyŋ daiyndyǧy joǧary deŋgeide. Tūrǧyn üilerdı jylytu mausymyna äzırleu jūmystary 98,3 paiyzǧa oryndalǧan. Elektr stansiialaryna jyl saiyn 60 million tonna kömır qajet. Qazır onyŋ qajettı qory bar», - dep habarlaǧan Bektenov.
Ūqsas jaŋalyqtar
