Qaraǵandy oblysynyń Saran qalasy men Abaı oblysynyń Aıagóz qalasynan keıin páterlerdegi sýyq týraly aqparat Aqtóbeden de kelip tústi, dep habarlaıdy "Adyrna" ulttyq portaly.
Bul týraly QazTAG málimdedi.
«Aqtóbelikter sýyq páterlerde tońyp otyr. Kópqabatty úılerge jylý qosyldy, biraq barlyq úıler oǵan daıyn bolmaı shyqty», – delingen habarlamada.
17 qazan kúni Saran qalasynan keıin Abaı oblysynyń Aıagóz qalasynda da jylýdyń apattyq óshirilýi oryn alǵan.
Aıta keteıik, 15 qazan kúni premer-mınıstr Oljas Bektenov Úkimet otyrysynda Saran qalasyndaǵy jylý berý maýsymyndaǵy tótenshe jaǵdaıdy qatań baqylaýǵa alý kerektigin aıtqan bolatyn. Úkimet basshysy bárin búgin aıaqtaýdy tapsyrdy.
"Bul – Saran qalasy ákiminiń jeke jaýapkershiligi jáne oblys ákimdigi tarapynan tıisti baqylaýdyń joqtyǵy", - dedi Oljas Bektenov.
Qazir avtomatıka nelikten ortalyq jylý kózin eki ret toqtatqanyn anyqtaý úshin arnaıy mamandar kelip jatyr eken.
“Qazandyq avtomatty apattyq rejımge qaıta oraldy. Bul ornatý kezinde durys dep sanalady. Sondyqtan qazir onyń ne sebepti apattyq rejımge ótkenin anyqtap jatyrmyz. Qazandyqta jylý berýdiń bir bóligi nelikten toqtap qalǵanyn qajetti mamandarmen birlesip tekserip jatyrmyz”, – dedi Qaraǵandy oblysynyń energetıka jáne turǵyn úı-kommýnaldyq sharýashylyq basqarmasynyń basshysy Tilektes Dosaev.
Eske sala keteıik, premer-mınıstr 24 qyrkúıek kúni prezıdentke bergen esebinde elimizdiń óńirleri jylý berý maýsymyna 98,3% daıyn dep sendirgen edi.
«Áleýmettik nysandardyń daıyndyǵy joǵary deńgeıde. Turǵyn úılerdi jylytý maýsymyna ázirleý jumystary 98,3 paıyzǵa oryndalǵan. Elektr stanııalaryna jyl saıyn 60 mıllıon tonna kómir qajet. Qazir onyń qajetti qory bar», - dep habarlaǵan Bektenov.
