Eks-prezıdent Nursultan Nazarbaevtyń kishi qyzy Álııa Nazarbaeva kúıeýimen ajyrasqany anyqtaldy, dep habarlaıdy "Adyrna" ulttyq portaly.
Nege.Aqsha dereginde, eks-prezıdenttiń kishi qyzy qańtar oqıǵalaryna deıin «QazTransOıl» AQ Bas dırektory qyzmetin atqarǵan kúıeýi Dımash Dosanovpen ajyrasqany jazylǵan.
Al ótken jyly beıresmı derekterde Nazarbaevtyń kúıeý balasy Dosanovtyń burynǵy áıeline ketti degen qaýeset paıda bolǵan. Búginde erli-zaıyptylar ajyrasýǵa jáne ortaq balalardyń turǵylyqty jerin anyqtaýǵa ótinish bergenin habarlaıdy.
Sot sheshimi 2024 jyldyń qarashasynda zańdy kúshine engen. BAQ-ta Álııa Nazarbaeva úsh ret turmysta bolǵan.
1998 jyly 18 jasynda Álııa Nazarbaeva eks-prezıdent Asqar Aqaevtyń uly Aıdar Aqaevqa turmysqa shyqqan bolatyn. Alaıda eki jastyń dám-tuzy jaraspaı, 2001 jyly ajyrasyp ketken.
Álııa Nazarbaeva Aıdar Aqaevpen ajyrasqannan keıin Danııar Hasenovpen otbasyn qurdy. 2007 jyly Tıara, 2011 jyly Alsara esimdi qyzdary dúnıege keldi.
2015 jyly Dımash Dosanovqa kúıeýge shyqty. 2016 jyldyń jazynda Aldııar esimdi ulyn ómirge ákeldi.
