Talǧarda 3 mlrd teŋgege salynǧan sapasyz mektep tūrǧyndardyŋ aşuyn tuǧyzdy

Talǧarda 3 milliard teŋgege salynǧan sapasyz mektep tūrǧyndardyŋ aşuyn tuǧyzdy. Būl turaly Instagram-daǧy kris_p_talgar paraqşasy jariialady, dep habsrlaidy “Adyrna” ūlttyq portaly.  Tūrǧyndar BI Group kompaniiasy salyp jatqan 1200 orynǧa arnalǧan  №25 qalalyq mekteptıŋ sapasyna narazylyq bıldırude. Olardyŋ aituynşa, jaŋa ǧimarattyŋ smetasy 3 milliard teŋge bolǧanymen, adamdar balalaryn mūnda jıbergısı kelmeidı.

“Būl jerge äkımdık maqtanyp kımdı äkelmedı deisız. Bıregei, zamanaui 1200 oryndyq mektep, dep böstı. Al qazır oquşy jinai almai älek. «Erıktı türde mındettep» 8- mekteptıŋ bastauyş synyp oquşylaryn auystyru arqyly toltyrmaqşy. Al zaŋ boiynşa balasy qai mektepke baratynyn ata-ananyŋ  taŋdauǧa qaqysy bar”, –  dep jazdy pablik.

Osynşama qarajat jūmsalǧan mekteptıŋ qabyrǧalary qazırde jarylyp, syz tartyp, töbesı opyrylyp jatyr. Töbenıŋ jūqa bolǧany sonşa, onyŋ üstınde jürgen jūmysşylar bärın myjyp ketken. Demek, şatyrdan su aǧary sözsız. Tūrǧyndardyŋ aituynşa, sport  alaŋdary lai, iaǧni jaŋbyr jauǧan saiyn su basyp ketedı. Balalardyŋ oiyn alaŋdaryna rezeŋke tösemek tügılı tösegış qūiylmaǧan. Al därethanasy bolsa dalada ornalasqan. 

«Al ol jaqqa oquşylar barǧanda ne bolady? Tıptı ekı büktelıp qalatyn şyǧar? Masqara!» – dep jazady talǧarlyqtar.

Olar jaŋa mekteptıŋ därethanasy syrtta bolǧanyna narazy. Degenmen, olardyŋ aituynşa, mekteptıŋ ışınde de äjethanalar bar. Sonymen qatar, qala tūrǧyndarynyŋ mektep qolaisyz jerde – İnkubator audanynda, ainalma joldyŋ boiynda salynǧanyna da köŋılderı tolmaidy. Tūrǧyndar ol audanǧa qaladan jalǧyz avtobus qatynaitynyn jazǧan. Sondai-aq ata-analar älı künge deiın oqu qai tılde bolatyn bılmei otyr.

“Tek qazaq tılınde oqytamyz deidı. Sosyn orystıldılerge älı de oryn bar deidı. Qūjattardy qabyldap alǧan soŋ, segızınşı mektepke baryŋdar deidı. Sonymen qaşan bärı tüsınıktı bolady? Eşımnıŋ şaruasy joq”, dep jazdy analardyŋ bırı.

Mektep ötken jyly tapsyrylǧan. Alaida qūrylys kompaniiasy ǧimarat 8 ai bos tūryp, ışındegı su krany aşyq qalǧandyqtan ylǧaldanyp ketkenın aitqan. Talǧar audandyq äkımdıgı merdıger kompaniia jaŋa oqu jyly bastalǧanǧa deiın barlyq olqylyqtardy tüzetetının  habarlady.

”Adyrna” ūlttyq portaly