Talǵar qalasynyń ákimi Baqyt Kúrishbekov pen onyń orynbasary Matan Saǵyndyq óz mindetterin tıisinshe oryndamaǵany úshin qyzmetinen bosatyldy. Bul týraly búgin Talǵar aýdany ákimdigi málimdedi, dep habarlaıdy “Adyrna” ulttyq portaly.
“Talǵar qalasynyń ákimi Kúrishbekov Bahyt Kýatbekovıch, Talǵar qalasy ákiminiń orynbasary Matan Saǵyndyq óz mindetterin tıisti deńgeıde atqarmaǵany úshin atqaryp otyrǵan laýazymdarynan bosatyldy”, — dep jazylǵan resmı aqparatta.
Kúrishbekov Talǵardy 2022 jyldyń jazynan beri basqaryp keledi. Saılaý aldynda "Amanat" partııasy Talǵar aýdandyq fılıalynyń jaýapty hatshysy qyzmetin atqarǵan.
Aıta keteıik, 4 qazan kúni Talǵarda 16 jasar Sherzat Bolat esimdi jasóspirim 15 adamnyń qolynan qaıtys bolǵan edi.
Jasóspirimniń qazasynan keıin Sherzattyń týystary istiń ashyq tergelýin talap etti.
Odan keıin marqum Sherzattyń úıin áldekimder órtep ketti. Bul qoǵamda úlken rezonans týdyrýda.
