Bügın balalar ädebietınıŋ klassigı, jazuşy Berdıbek Soqpaqbaevtyŋ tuǧanyna - 100 jyl toldy.
Ol 1924 jyly 15 qazanda Almaty oblysynyŋ Narynqol audanynda Qostöbe tuǧan. Abai atyndaǧy Qazaq pedagogikalyq institutyn, keiınnen Mäskeude Joǧary ädebi kursty bıtırgen.
Bıraz jyl auyl mektebınde bala oqytqan. «Qazaq ädebietı» gazetınde, «Baldyrǧan» jurnalynda, Ş.Aimanov atyndaǧy «Qazaqfilm» kinostudiiasynda ıstegen.
Qazaqstan Jazuşylar odaǧynda balalar ädebietı jönındegı ädebi keŋesşı bolǧan. Şyǧarmaşylyq jolyn öleŋmen bastap, 1950 jyly «Būlaq» atty jyr jinaǧyn şyǧarǧan. Keiın balalar men jasöspırımderge arnalǧan 20-dan astam äŋgıme, povest, roman kıtaptaryn ūsyndy
«Menıŋ atym – Qoja», «Balalyq şaqqa saiahat», «Boztöbede bır qyz bar», «Ölgender qaityp kelmeidı» jäne «Qaidasyŋ, Gauhar» sekıldı tuyndylary KSRO halyqtarynyŋ jäne şetelderdıŋ köptegen tılderıne audarylyp, sahnalyq, ekrandyq nūsqaǧa ainalǧan.
1967 jyly Balalar men jasöspırımderge arnalǧan filmderdıŋ Kann qalasynda (Fransiia) ötken halyqaralyq festivalınde «Menıŋ atym Qoja» filmı (B.Soqpaqbaevtyŋ ssenariiı) arnauly jüldege ie boldy.
Qazaq KSR Joǧarǧy Keŋesınıŋ Qūrmet Gramotasymen marapattalǧan.
