Ūlttyq qauıpsızdıŋ qyzmetınıŋ töraǧasynyŋ bırınşı orynbasary Samat Äbışke qatysty eşqandai qylmystyq ıs qozǧalǧan joq. Būl turaly “Adyrna” ūlttyq portaly nege.kz saityna sılteme jasap habarlaidy.
Samat Äbışke qatysty qandai da bır tergeu şaralary jürgızılıp jatyr ma? degen sūraqqa ŪQK-nıŋ bölımşe bastyǧy S.Ahmetqalievten jauap keldı.
«Qazaqstan Respublikasy ūlttyq qauıpsızdık komitetınde S.S.Äbışke qatysty qylmystyq ıster joq ekenın habarlaimyz. Oǧan qandai da bır ıs jürgızu şaralaryn qoldanu turaly aqparat joq» dep jauap berdı S.Ahmetqaliev.Samat Satybaldyūly Äbış – Qazaqstannyŋ eks-prezidentı Nūrsūltan Nazarbaevtyŋ ınısı Satybaldy Nazarbaevtyŋ ūly. Aǧasy – Qairat Satybaldy. 2000 jyldan ŪQK salasynda qyzmet atqarǧan. 2015 jyldyŋ jeltoqsanynan bastap ŪQK töraǧasynyŋ bırınşı orynbasary lauazymynda boldy. ŪQK-nıŋ general-leitenanty. 2022 jyly 17 qaŋtarda qyzmetınen bosatyldy. Qyzmetten bosatu sebebı aitylmady. Esterıŋızge sala keteiık, qazırgı uaqytta QR ŪQK eks-basşysy Kärım Mäsımov qamauǧa alynǧan. Oǧan qatysty satqyndyq faktısı boiynşa qylmystyq ıs tergelude. Ūlttyq qauıpsızdık komitetı bilıktı küşpen basyp aluǧa jäne lauazymdyq ökılettıgın asyra paidalanuǧa baǧyttalǧan ıs-äreketter faktılerı boiynşa sotqa deiıngı tergeu bastalǧanyn habarlady. Atalǧan qylmystardy jasady degen küdıkpen būrynǧy orynbasarlary – «Arystan» arnaiy maqsattaǧy qyzmetınıŋ bastyǧy Änuar Sadyqūlov pen Däulet Erǧojin da ūstaldy.
”Adyrna” ūlttyq portaly
Ūqsas jaŋalyqtar
