Qostanai oblysynyŋ äkımı Qūmar Aqsaqalov Jıtıqaradaǧy örtten bes bala qaza tapqan qaiǧyly oqiǧa turaly aitty, dep habarlaidy “Adyrna” ūlttyq portaly Naşa Gazetaǧa sıltep.
Oblys basşysy Rudnyi qalasynyŋ tūrǧyndarymen kezdesuınde örtengen balalardyŋ ölımıne qatysty pıkır bıldırdı.
"Endı komissiia tekseredı. Bız qazır osyndai qaiǧyly oqiǧalardyŋ aldyn aluy tiıs bolǧan qyzmetter öz mındetın atqardy ma, joq pa, tekserıp jatyrmyz. Bırınşıden, esepte tūrǧan otbasylardy gaz analizatorlarymen jabdyqtauymyz kerek. 2019 jyly ol üige gaz analizatory ornatylǧan. Ol jūmys ıstep tūrǧan", – dedı äkım Aqsaqalov.
Äkım tamyz aiynda ǧana osy üidı teksergen eken.
"Bıraq, balanyŋ aituynşa, bırdeŋe örtenıp ketken. Barlyq män-jaidy komissiia anyqtap jatyr. Ökınışke qarai, osyndai qaiǧyly oqiǧa oryn aldy. Keşırım sūraimyz", – dedı oblys äkımı.
5 balasynan bırdei aiyrylǧan anasyna äleumettık kömek berıledı.
"Bügın nemese erteŋ barlyq qajettı qūral-jabdyqtary bar tūrǧyn üi satyp alynady, bır-ekı künde jasaimyz", – deidı Qūmar Aqsaqalov.
Oblys äkımı zardap şekken otbasy būryn atauly äleumettık kömek aluşy retınde esepte tūrǧanyn da atap öttı.
"Ökınışke qarai, balalardyŋ äkesı türmede, anasy qaladaǧy dükenderdıŋ bırınde jūmys ıstegen", – dedı Aqsaqalov.
Eske sala keteiık, Qostanai oblysy Jıtıqara qalasynda jeke tūrǧyn üide şyqqan ört saldarynan üi şatyry opyrylyp tüsıp, bes bala qaza tapqany turaly habarlaǧan edık.
Ūqsas jaŋalyqtar
