Qostanai qalasynda respublikalyq referendum ötetın künı tūrǧyndarǧa qolaily jaǧdai jasau maqsatynda qoǧamdyq kölıkte jol jüru uaqytşa tegın bolady.
Qalalyq äkımdıktıŋ mälımetınşe, 15 nauryz künı saǧat 07:00-den 13:00-ge deiın qala ışındegı avtobustarda jol jüru aqysyz ūiymdastyrylady. Būl şara qala tūrǧyndarynyŋ öz sailau uchaskelerıne eş kedergısız jetuıne jäne maŋyzdy qoǧamdyq-saiasi nauqanǧa qatysuyna mümkındık beredı.
Jergılıktı bilık ökılderınıŋ aituynşa, qabyldanǧan şeşım referendum künı azamattardyŋ belsendılıgın arttyruǧa jäne tūrǧyndarǧa qolaily jaǧdai jasauǧa baǧyttalǧan.
Sonymen qatar Nauryz meiramyn merekeleu künderı de qoǧamdyq kölık jūmysyna özgerıster engızıledı. 21 jäne 22 nauryzda, negızgı merekelık ıs-şaralar ötetın uaqytta, qalalyq avtobustardyŋ jūmys uaqyty bır saǧatqa ūzartylady. Iаǧni soŋǧy avtobustar soŋǧy aialdamalardan ädettegı 22:00 ornyna 23:00-de qatynaityn bolady.
Būl şaralar qala tūrǧyndary men qonaqtarynyŋ qala ışınde erkın qozǧaluyna, merekelık ıs-şaralarǧa qatysyp, olardyŋ aiaqtalǧannan keiın üilerıne yŋǧaily jetuıne mümkındık beredı.
