Ulytaý oblysynyń burynǵy ákimi Berik Ábdiǵalı Ulttyq mýzeı dırektorynyń mindetterin ýaqytsha atqarýshy qyzmetine taǵaıyndaldy. Jańa basshyny mýzeı ujymyna Mádenıet jáne aqparat mınıstriniń mindetin atqarýshy Aızada Qurmanova tanystyrdy, dep habarlaıdy “Adyrna” ulttyq portaly.
Berik Ábdiǵalı ákim qyzmetinen 2024 jyldyń 9 qazanynda bosatylǵan edi. Dastan Ryspekov Ulytaý oblysynyń jańa ákimi boldy.
Berik Ábdiǵalı 18.09.1971 jyly Qaraǵandy oblysy, Ulytaý aýdany, Terisaqqan aýylynda dúnıege kelgen. 2022 jyly Ulytaý oblysynyń ákimi bolyp taǵaıyndaldy. Oǵan deıin Parlament Májilisiniń depýtaty bolǵan.
Ulttyq mýzeı resmı túrde 2015 jyldyń 9 shildesinde ashyldy. Qazaqstannyń eń úlken mýzeıi sanalady. Astanadaǵy táýelsizdik alańynda ornalasqan.
Eske salaıyq, Ulttyq mýzeıdiń burynǵy basshylarynyń biri, burynǵy Mádenıet jáne sport mınıstri Arystanbek Muhamedıuly qazir sybaılas jemqorlyq isi boıynsha jazasyn ótep jatyr.
