Almatyda Nazarbaev daŋǧylynyŋ batys bölıgınde, Gandi köşesınıŋ soltüstıgınde ornalasqan jaŋa skver resmi türde aşyldy. Is-şaraǧa qala äkımı Darhan Satybaldy qatysty.
Jaŋa skver qoǧamdyq keŋıstıkterdı damytu baǧdarlamasynyŋ bır bölıgı retınde jüzege asyrylyp, jaily qalalyq orta qalyptastyruǧa baǧyttalǧan. Nysannyŋ jalpy aumaǧy 4,16 gektar, onyŋ şamamen üş gektary jasyl aimaqqa tiesılı.
Qūrylysy barysynda injenerlık jäne körkeitu jūmysy tolyq kölemde oryndaldy. Skver aumaǧyna zamanaui jaryqtandyru jäne avtosuaru jüielerı ornatyldy, 10 myŋ şarşy metrden astam jürgınşıler joly töseldı. Demalys aimaqtary jasaqtalyp, 77 oryndyq jäne 52 qoqys jäşıgı qoiyldy.
Jasyldandyru jūmysy aiasynda barlyǧy 425 aǧaş otyrǧyzyldy (onyŋ ışınde 166 – qylqanjapyraqty, 259 – japyraqty türler), sondai-aq 590 būta egıldı (351 – qylqanjapyraqty, 239 – japyraqty).
Skverdıŋ erekşelıgı – jasandy toǧan. Qys mezgılınde ol syrǧanaq aidyny retınde paidalanylatyn bolady. Būl qala tūrǧyndary men qonaqtaryna jyl boiy belsendı demalysqa mümkındık beredı.
Mamandardyŋ aituynşa, körkeitude klimattyq jaǧdailarǧa beiımdelgen materialdar jäne ekologiialyq şeşımder qoldanylǧan. Jaŋa skver qalanyŋ ortalyq bölıgındegı jasyl jelek jüiesımen üilesımdı türde astasyp, tūrǧyndardyŋ seruendeuı men demalysyna qolaily orynǧa ainaldy.
Qoǧamdyq keŋıstıkterdı damytu qalalyq ortanyŋ sapasyn arttyryp, jasyl aimaqtardy köbeituge jäne qala tūrǧyndary üşın belsendı demalys mümkındıkterın keŋeituge yqpal etedı.
Qoǧamdyq keŋıstıkterdı damytu basqarmasynyŋ mälımetınşe, Almatyda saiabaqtar, skverler jäne jasyl aimaqtar qūru jūmystary jüielı türde jürgızılude. Qalanyŋ barlyq audandarynda seruendeuge jäne demaluǧa arnalǧan jaŋa oryndar aşylyp jatyr.
