Mäjılıs deputaty Däulet Mūqaev qazaq synyptarynda oqytylatyn orys tılı pänı baǧdarlamasyna qatysty pıkır bıldırdı, dep habarlaidy "Adyrna" ūlttyq portaly.
Däulet Mūqaev qazaq synyptaryndaǧy ekınşı synyp oquşylaryna arnalǧan orys tılı oqulyqtary tym qiyn ekenın aitty. Mūqaevtyŋ sözınşe, orys tılı kıtaptarynda oqu jyly bastalǧannan-aq söilem qūrau, öleŋ jattau sekıldı kürdelı tapsyrmalar berılgen. Deputattyŋ pıkırınşe, aldymen alfavitten bastap üiretu qajet.
«Menıŋ otbasymda balalar orys tılınde mülde söilemeidı, sondyqtan olar üşın öte qiyn. Olar tügılı myna özımız ata-ana retınde de qinalamyz. Sonymen qatar, orys tılındegı synyptarda qazaq tılın oqytu baǧdarlamasy äldeqaida jeŋıldeu. Olarda tapsyrmalar jeŋıl – sözdegı jetıspeitın ärıptı qoiu siiaqty qarapaiym tapsyrmalar. Al qazaq synyptaryndaǧy balalardyŋ tapsyrmalary filolog mamandy daiyndaǧandai. Būl jaǧdaida oqulyqtardy jeŋıldetu qajet dep sanaimyn», – dedı deputat.Odan bölek, Däulet Mūqaev mektepterdegı grammatika mäselesı de aqsaŋdap tūrǧanyn aitty. Sebebı keibır mūǧalımder qarapaiym sözderde qate jıberıp jatady. Deputat jaŋa standart boiynşa informatika pänın alyp tastaudy ūsyndy. Būl şeşımnıŋ qandai zertteuler negızınde qabyldanǧanyn sūrap, onyŋ nätijelerın jariialaudy talap ettı.
Ūqsas jaŋalyqtar
