Májilis depýtaty Dáýlet Muqaev Densaýlyq saqtaý mınıstrligin synǵa aldy. Aıtýynsha, medıına salasyndaǵy stýdentterdiń bilimine mán berilmeıdi. Depýtat saladaǵy san suraqtyń kúrmeýin sheshýdi surady, dep habarlaıdy “Adyrna” ulttyq portaly.
Balalarǵa bilimdi durys bermeımiz, sosyn bizge qoıylatyn dıagnoz da sondaı bolady. Oqýlyqtardyń barlyǵy orysshadan qazaqshaǵa aýdarylady. Olarǵa keletin testteriniń de mán-maǵynasy joq suraqtar.
Men osy máseleni Ajar hanymǵa aıtyp, shet-jaǵasyn bastaǵan kezde test ortalyǵynan resmı túrde hattar keledi. “Bári kúshti, bári durys. Bilim mınıstrligi bizben jumys jasady”, deıdi. Al olarǵa habarlassam, “medıına bizge múldem qatysy joq”, dep, bári bir-birine silteıdi. Oryssha jaýap beredi.
Árıne, balalar patrıot bolyp, qazaq tilinde bilim alǵysy keledi. Biraq oqýlyqtar da durys emes, qoıylyp jatqan suraqtar da durys emes. Bul-bir. Odan keıin, sizderdiń qoıyp jatqan statıstıkalaryńyzdyń bári ótirik. Sizder kúshti qylyp kórsetesizder. Jaı ǵana jalaqynyń ózin, dárigerlerdiń jalaqysy 454 myń dep kórsetesizder. Men áleýmettik jelige salǵanda, mundaı aqshany almaıdy. Tek uıyqtamaı kúni-túni jumys istegende ǵana ondaı aqsha alamyz, deıdi. Sizder ózderińiz dárigerlerden, stýdentterden opros jasap kórdińizder me? Oǵan joq dep jaýap beresizder.
Metodıkany shetelden, Sıngapýr, AQSh, Germanııadan alamyz deısizder. Olardyń mınımaldy jalaqylary 1,5 mln teńge. Halyqtan aqsha jınaǵan kezde biz sóıtemiz, al halyqqa aqsha beretin kezde ótirik statıstıka jasaımyz”,- dedi depýtat.
Sondaı-aq, Dáýlet Muqaev mundaı qatelikterden keıin ózimiz zardap shegemiz deıdi.
