Mäjılıs deputaty Däulet Mūqaev Densaulyq saqtau ministrlıgın synǧa aldy. Aituynşa, medisina salasyndaǧy studentterdıŋ bılımıne män berılmeidı. Deputat saladaǧy san sūraqtyŋ kürmeuın şeşudı sūrady, dep habarlaidy “Adyrna” ūlttyq portaly.
Sondai-aq, Däulet Mūqaev mūndai qatelıkterden keiın özımız zardap şegemız deidı.Balalarǧa bılımdı dūrys bermeimız, sosyn bızge qoiylatyn diagnoz da sondai bolady. Oqulyqtardyŋ barlyǧy orysşadan qazaqşaǧa audarylady. Olarǧa keletın testterınıŋ de män-maǧynasy joq sūraqtar.
Men osy mäselenı Ajar hanymǧa aityp, şet-jaǧasyn bastaǧan kezde test ortalyǧynan resmi türde hattar keledı. “Bärı küştı, bärı dūrys. Bılım ministrlıgı bızben jūmys jasady”, deidı. Al olarǧa habarlassam, “medisina bızge müldem qatysy joq”, dep, bärı bır-bırıne sılteidı. Orysşa jauap beredı.
Ärine, balalar patriot bolyp, qazaq tılınde bılım alǧysy keledı. Bıraq oqulyqtar da dūrys emes, qoiylyp jatqan sūraqtar da dūrys emes. Būl-bır. Odan keiın, sızderdıŋ qoiyp jatqan statistikalaryŋyzdyŋ bärı ötırık. Sızder küştı qylyp körsetesızder. Jai ǧana jalaqynyŋ özın, därıgerlerdıŋ jalaqysy 454 myŋ dep körsetesızder. Men äleumettık jelıge salǧanda, mūndai aqşany almaidy. Tek ūiyqtamai künı-tünı jūmys ıstegende ǧana ondai aqşa alamyz, deidı. Sızder özderıŋız därıgerlerden, studentterden opros jasap kördıŋızder me? Oǧan joq dep jauap beresızder.
Metodikany şetelden, Singapur, AQŞ, Germaniiadan alamyz deisızder. Olardyŋ minimaldy jalaqylary 1,5 mln teŋge. Halyqtan aqşa jinaǧan kezde bız söitemız, al halyqqa aqşa beretın kezde ötırık statistika jasaimyz”,- dedı deputat.
