Resei TMD elderın strategiialyq serıktes sanaidy. Būl turaly bügın Resei prezidentı Vladimir Putin Mäskeude Dostastyq elderı basşylarynyŋ sammitınde aitty, dep habarlaidy “Adyrna” ūlttyq portaly.
Putin TMD elderın dos sanaitynyn aitty."Bız üşın TMD elderı – bızdıŋ eŋ jaqyn körşımız, dosymyz, strategiialyq serıktesımız. Bız yntymaqtastyqty jan-jaqty nyǧaituǧa beiıldımız, Reseidıŋ 2024 jylǧy töraǧalyq tūjyrymdamasy osyǧan baǧyttalǧan", - dedı ol.
Sonymen qatar, Resei prezidentı Dostastyqtaǧy ärıptesterıne bırlesken jobalar men ıs-şaralarǧa belsendı qatysqany üşın alǧysyn bıldırdı.
"Ärine, bız ekonomikalyq mäselelerge jäne TMD elderındegı sauda-investisiialyq yntymaqtastyqty odan ärı keŋeitu perspektivalaryna ülken köŋıl bölemız", - dep tolyqtyrdy Putin.
Putin elderde "önerkäsıp, auyl şaruaşylyǧy, qarjy jäne infraqūrylym salalarynda jaŋa, ırı, özara tiımdı jobalardy ıske qosuǧa barlyq mümkındık bar" dep senım bıldırdı.
