Reseı prezıdenti Pýtın Ýkraınamen uzaq merzimdi beıbitshilikke qol jetkizý jáne qaqtyǵystyń túpki sebepterin joıý shartynda áskerı áreketterdi toqtatýǵa daıyn ekenin jetkizdi, dep habarlaıdy “Adyrna” ulttyq portaly TASS-qa siltep.
«RF soǵys qımyldaryn toqtatý týraly usynystarmen kelisedi, biraq olar uzaq merzimdi beıbitshilikti qamtamasyz etip, daǵdarystyń sebepterin joıýy kerek», – delingen málimdemede.
Buǵan deıin Ýkraına prezıdenti Vladımır Zelenskıı Reseımen 30 kúndik ýaqytsha bitimge kelýge daıyn ekenin aıtqan bolatyn.
Bitimge kelý úshin talqylaý qajet aspektilerdi tizbekteı otyryp, Vladımır Pýtın Kýrski oblysyndaǵy jaǵdaıǵa nazar aýdardy.
«Eger biz 30 kúnge áskerı áreketterdi toqtatsaq, bul neni bildiredi? Onda júrgenderdiń barlyǵy uryssyz kete bere me?Olar beıbit turǵyndarǵa qarsy kóptegen qylmys jasaǵannan keıin biz olardy jaı ǵana bosatýymyz kerek pe? Bul 30 kún ne úshin paıdalanylady? Ýkraınada májbúrli mobılızaııa jalǵasýy úshin be? Ol jaqqa qarý-jaraq jetkizilýi úshin be? Baqylaý men verıfıkaııa máseleleri qalaı sheshiledi – mundaı jaǵdaılardyń qaıtalanbaıtynyna qandaı kepildik beriledi?» – dep sózin jalǵastyrdy Vladımır Pýtın.
