Tájikstan prezıdenti Emomalı Rahmonov Máskeýdegi teraktiden keıin Reseı prezıdentimen telefon arqyly sóılesti. Bul týraly Tájikstan prezıdentiniń resmı saıty jarııalady, dep habarlaıdy “Adyrna” ulttyq portaly.
Tájikstan prezıdenti «Krokýs Sıtı Holldaǵy» qandy terrorıstik áreketti aıyptap, «terrorısterde ult ta, otan da, din de joq ekenin» erekshe atap ótti.
Tájikstan prezıdenti qaza tapqandardyń otbasylary men jaqyndaryna qaıǵyryp kóńil aıtatynyn jetkizdi. Sondaı-aq zardap shekkenderdiń tezirek saýyǵyp ketýin tiledi. Onyń aıtýynsha, Tájikstan azamattarynyń Jalpyulttyq aza tutyp jatqan Reseımen tilegi bir.
“Sondaı-aq taraptar terrorızm, ekstremızm men dinı radıkalızmge qarsy kúres jolynda tyǵyz áreket etýdi jalǵastyrýǵa múddeli ekenin rastady”, - delingen resmı habarlamada.
