Aqyry, Armenııa premer-mınıstri Nıkol Pashınıan Ujymdyq qaýipsizdik shart uıymynyń (UQShU) búgingi sammıtine qatyspaıtyn boldy. Oǵan ókinish bildirgen Kreml Armenııanyń bul jıynǵa ekspertter deńgeıinde bolsa da qatysýyna múddeli. Bul týraly URA.RU agenttiginiń saýalyna jaýap bergen Reseı prezıdentiniń baspasóz hatshysy Dmıtrıı Peskov málimdedi, dep habarlaıdy “Adyrna” ulttyq portaly.
«Árıne, Armenııanyń bul sammıtke qatyspaǵanyna ókinish bildiremin. Sarapshylyq deńgeıde qatysý bolady dep úmittenemiz. Biz Armenııanyń UQShU aıasyndaǵy jumysyn jalǵastyrady dep kútemiz», - dedi Peskov.
23 qarashada Mınskide UQShU sammıti ótedi. Reseı atynan prezıdent Vladımır Pýtın qatysady. Ortalyq Azııadan Tájikstan men Qyrǵyzstannyń basshylary jıynǵa basqalardan buryn jetip aldy.
Aıta keteıik, búgin qazaqstandyq saıasatker Imanǵalı Tasmaǵambetov Ujymdyq qaýipsizdik shart uıymynyń bas hatshysy bolyp taǵaıyndalǵanyna bir jyl toldy.
Ol UQShU-nyń 2022 jylǵy 23 qarashadaǵy sheshimimen ol úsh jyldyq merzimge (2023 jylǵy 1 qańtardan 2025 jylǵy 31 jeltoqsanǵa deıin) Ujymdyq qaýipsizdik sharty uıymynyń Bas hatshysy laýazymyna taǵaıyndalǵan edi.
