Jetısu oblysynda qyzmettık mındetın atqaru barysynda ekı polisiia qyzmetkerı qaza tapty, dep habarlaidy "Adyrna" ūlttyq portaly.
Būl turaly Qazaqstan Respublikasynyŋ Işkı ıster ministrı Erjan Sadenov mälımdedı.
«Taldyqorǧan – Tekelı avtojolynda oryn alǧan jol-kölık oqiǧasyna qatysty qylmystyq ıs qozǧaldy. Jol apaty saldarynan kölıktegı jürgızuşı men jolauşy – qyzmettık mındetın atqaryp jürgen ışkı ıster organdarynyŋ qyzmetkerlerı oqiǧa ornynda qaza tapty», – dep mälımdedı Jetısu oblysy Polisiia departamentı.
«Qyzmettık mındetın atqaru kezınde jol apatynan qaza tapqan Jetısu oblysy Polisiia departamentınıŋ qyzmetkerlerı – polisiia maiory Arnūr Alhanov pen polisiianyŋ aǧa leitenanty Şyŋǧys Äsılbekovtıŋ tuǧan-tuystary men jaqyndaryna qaiǧyryp köŋıl aitamyn. Olardyŋ esımderı ärdaiym ärıptesterınıŋ jadynda saqtalady», – dep jazdy Erjan Sadenov Instagram paraqşasynda.
Ministr sondai-aq Işkı ıster ministrlıgı qaza tapqan qyzmetkerlerdıŋ otbasyna qajettı kömek körsetetının atap öttı.
