Turǵyn elordanyń ákimshilik sotyna Saýda jáne ıntegraııa mınıstrligi atynan Qazaqstan Respýblıkasynyń Úkimetine ýaqytty qaıtarýdy talap etip, ákimshilik sotqa júgingen. Alaıda, sot talabyn keri qaıtarǵan. Bul týraly Astana qalasynyń mamandandyrylǵan aýdanaralyq ákimshilik soty málimdedi, dep habarlaıdy “Adyrna” ulttyq portaly.
«Talap qoıýshynyń bastapqyda málimdegen talaptary ákimshilik sot isin júrgizý tártibimen qaralýǵa jatpaıdy. Osyǵan baılanysty sottyń belsendi róli qaǵıdatyn iske asyrý sheńberinde sotpen talap qoıýshyǵa óz talaptaryn naqtylaý quqyǵy túsindirilip, talaptardyń mánin ózgertý (qorytyndy sheshimdi jáne tıisti jaýapkerdi kórsetý) usynyldy. Sot belgilegen merzimde sotqa ákimshilik talapty naqtylaý nemese tolyqtyrý týraly ótinish túsken joq, –delingen sot habarlamasynda.
Sondyqtan, talap qoıýshy óz quqyǵyn paıdalanbaı, talaptardy naqtylamaýyna (ózgertpedi) baılanysty talaby keri qaıtarylǵan.
Aqparatqa sáıkes, A. elordanyń ákimshilik sotyna Saýda jáne ıntegraııa mınıstrligi atynan Qazaqstan Respýblıkasynyń Úkimetine talap qoıyp, ákimshilik sotqa júgingen. Ol Úkimettiń 2024 jyldyń 19 qańtaryndaǵy qaýlysyn zańsyz dep tanýdy, Úkimet janyndaǵy jumys tobynyń 2024 jylǵy 2 tamyzdaǵy «ýaqytty qaıtaraıyq» petıııasyn qanaǵattandyrýdan jáne aqparatqa qol jetkizýden bas tartý týraly sheshimin zańsyz dep tanýdy talap etken.
Ol sot sheshimi boıynsha:
1) «Qazaqstan Respýblıkasynyń aýmaǵyndaǵy ýaqytty esepteý tártibi týraly» Qazaqstan Respýblıkasy Úkimetiniń 2000 jylǵy 23 qarashadaǵy N 1749 qaýlysyna ózgerister engizý týraly» Qazaqstan Respýblıkasy Úkimetiniń 2024 jylǵy 19 qańtardaǵy qaýlysy zańsyz dep tanylsyn;
2) Úkimet jumys tobynyń 2024 jylǵy 2 tamyzdaǵy «Ýaqytty keri qaıtaraıyq» ótinishin qanaǵattandyrýdan jáne aqparatqa qol jetkizýden bas tartý týraly sheshimi zańsyz dep tanylsyn;
3) 2024 jylǵy 1 tamyzdaǵy jaýap zańsyz dep tanylsyn;
4) 2024 jylǵy 27 tamyzdaǵy jaýap zańsyz dep tanylsyn.
Sot «talapkerdiń bastapqy kórsetilgen nysandaǵy talaptary ákimshilik is júrgizýde qaraýǵa jatpaıdy» dep túsindirdi.
