Qyzylorda oblysynda qaŋtar oqiǧasy kezınde jappai tärtıpsızdıkke qatysqan er adam sottaldy, dep habarlaidy “Adyrna” ūlttyq portaly.
Qyzylorda oblysynyŋ qylmystyq ıster jönındegı mamandandyrylǧan audanaralyq sotynda jappai tärtıpsızdıkterge qatysyp, äskeri qyzmetşınıŋ ömırıne qol sūǧyp, laŋkestık äreket jasady dep aiyptalǧan Qazybek Qūdaibergenov esımdı azamatqa qatysty qylmystyq ıs qaraldy.
Sotta anyqtalǧandai, 5 qaŋtarda sottaluşy qaladaǧy sauda üilerınıŋ bırınıŋ aldynda bolǧan jappai tärtıpsızdıkke qatysu kezınde äskeri qyzmetşıge qarsy küş qoldanyp, «KamAZ» äskeri kölıgıne otyryp alǧan. Kölıkke otyrǧannan keiın gaz pedalın soŋyna deiın basyp, ony kırpışpen tırep, artynşa kölıktı şegınıp bara jatqan äskeri qyzmetşıler sapyna qarai būryp, özı kölıkten sekırıp tüsken.
Sonyŋ saldarynan jük kölıgı bır äskeri qyzmetşını basyp ketken. Ol alǧan jaraqatynan oqiǧa ornynda köz jūmǧan.
Sottaluşynyŋ kınäsı kuälardyŋ aiǧaqtarymen, qylmystyq ıs materialdaryna tırkelgen beinejazbalarmen, sondai-aq sot-medisinalyq saraptamasynyŋ qorytyndysymen däleldendı.
Sot jauaptylyq pen jazany jeŋıldetetın jäne auyrlatatyn män-jailardy eskere otyryp, Qūdaibergenovty 17 jylǧa bas bostandyǧynan aiyru, qylmystyq-atqaru jüiesınıŋ qauıpsızdıgı barynşa joǧary mekemelerınde öteu turaly ükım şyǧardy.
Qūdaibergenovtyŋ özı aiybyn moiyndaǧan joq. Azattyq onyŋ sot ükımınen eseŋgerıp qalǧanyn jäne köz jasyn tyia almaǧanyn jazady.
34 jastaǧy Qazybek Qūdaibergenovtyŋ jaqtastary alty aiǧa sozylǧan sotta onyŋ advokattary dälelder keltırgenımen sot bırde-bırın eskermegenın aitady.
Azattyqtyŋ jazuynşa, sot ükımı älı küşıne engen joq, ekı taraptyŋ apelliasiialyq şaǧym tüsıruge qūqyǧy bar.
Ūqsas jaŋalyqtar
