Joǵary Keńes depýtaty Gýlıa Qojoqulova Qyrǵyzstan tólqujaty Reseıdegi avito.ru jarnamalyq saıtynda ashyq satylyp jatqanyn málimdedi. Ol bul máseleni 18 mamyrda ótken parlament otyrysynda kóterip, Ulttyq qaýipsizdik komıtetin shara qoldanýǵa shaqyrdy, dep habarlaıdy «Adyrna» tilshisi.
«Qyrǵyz azamattyǵy erkin satylyp jatyr. Bizdiń qupııa qyzmet qaıda qarap otyr? ıfrlyq damý mınıstrligi ne isteıdi? Bizdiń tólqujattarymyz ártúrli jerlerde satylady, bul kóptegen keleńsizdikke ákeledi»,—dedi Qojoqulova.
avito.ru saıtynda azamattyq satyp alý quný 120 000 - 270 000 rýbl aralyǵynda dep jazylǵan. Jarnama berýshiler qyrǵyz tilin bilý jáne reseılik tólqujattan bas tartý mindetti emes ekenin aıtady. Sondaı-aq Qyrǵyzstan azamattyǵyn alý arqyly bankterden esepshot ashýǵa jáne AQSh pen Eýropaǵa vıza alýǵa bolady delingen.
Aıta keteıik, Reseı-Ýkraına qaqtyǵystary bastalǵannan keıin Qyrǵyzstan azamattyǵyn alǵysy keletin reseılikterdiń sany artty. Buǵan deıin Qyrǵyzstan basshysy Sadyr Japarovtyń 2022 jyly azamattyq alý týraly jarlyǵy negizinde Reseıdiń ondaǵan belgili sheneýnigi men iri bıznesmenderi azamattyq alǵan edi.
