Taraz qalasynyń turǵyndary tarapynan jıi kóteriletin taqyryptyń biri – jaryqtandyrý máselesi. Kóshelerdiń boıyna ornatylǵan jaryqtandyrý shamdary shahar mádenıeti men kórkiniń ajyramas bóligi bolyp esepteledi. Jaryq júıesi tipten ińir qarańǵylyǵy túskende iske qosylyp, jolaýshyǵa jol siltep, mektepten qaıtqan oqýshylarǵa barar jolyn kórsetip qana qoımaı, túngi ýaqytta adamdar qaýipsizdigine de qorǵan bolady.
Osyny eskere otyryp, 2024-2025 jyldary Taraz qalasynda ornalasqan 76 kósheni jaryqtandyrý josparlanǵan bolatyn. Soǵan oraı memlekettik satyp alý konkýrsynyń nátıjesinde jeńimpaz kompanııalar anyqtalyp, búginde tıisti jumystar bastaldy.
Atap aıtqanda, «Lenon» JShS merdigerligimen Alataý (Ábilseıt Aıqanov) 1-burylysy, Alataý, Tonkýrsh (Qasym Amanjolov), Mámbet batyr tuıyǵy, Mámbet batyr kóshesiniń 1, 2-shi burylystary, Kóktóbe. Shýsev, Alataý, 2-shi burylysy, Jolbaryshan, Volkov, Aınalma jol (Mámbet batyr kóshesinen aınalma jolǵa deıin), Qajymuqan, Asımov, Kolevaıa ótkeli, Alataý tuıyǵy, Barbol, Gıdrokompleks kóshelerinde jaryqtandyrý jumystary qolǵa alyndy.
Sondaı-aq «Pyraq qurylys» JShS Naberejnaıa, Úmbetbaev, Shattyq, Nııazbetov, Rechnaıa, Almaly, Tilemis aqyn kóshesinen Nııazymbetov kóshesine deıin, Saýytbek aqyn kóshesinen Tilemis aqyn kóshesine deıin aralyqta tıisti jumystardy isteıtin bolady. Sondaı-aq «Invest Kapital Stroy» JShS Qostanaı kóshesi (Taldyqorǵan kóshesinen ótkelge deıin), Taraz, Qostanaı, 1-burylys Qostanaı (elınograd kóshisinen Taldyqorǵan kóshesine deıin), Qostanaı tuıyǵy, Qostanaı kóshesiniń, 2, 3 burylystarynyń samaladaı jarqyraýyna úles qospaq.
Osy rette aıta keterligi, qarjy tetigi tabylyp jatsa, «Orman» alqabyndaǵy Aqyrtas, Kókterek, Aqbota, Aıaýly, Menlıbaev, Akbozov kósheleri, №1 okrýg boıynsha Tóle bı, Mahambet batyr, Krýpskaıa, Avtomobılnyı 3-burylysy (Táýke han kóshesinen Tóle bı kóshesine deıin), Súleımenov kóshesiniń aıaǵynan baǵdarshamǵa deıin, №3 aýmaq boıynsha IT-lıeıge barar jol, Apataev, Kósheneı 3-burylysy, Sýhambaev, Kósheneı, Iaroshbaev, Qasymbekov, Rahmatı kósheleri, №4 okrýg boıynsha Naýryzbaı batyr, Aqjol, Býrnenskaıa, Jaýǵash batyr, B. Momyshuly, 1-burylysy, Chernıahovskogo, Demısınov, Prıvokzalnaıa kósheleri, №9 aýmaq boıynsha Fresno, 5, 8, 9, 11 burylystary, Nekrasov, Baıgazıev, «Báıterek» yqshamaýdany (13), Baızaq batyr kóshesinen «Qumshaǵal» ótkeli jáne Áshimbaev kóshesine deıin, №10 aýmaq boıynsha Masanchı, Baıtursynov, Matrosov, Chkalov, Raıymbek batyr, Shaýmıana 1, 2 burylystary, Ultanbaev, Abylaıhan 5-burylysy, Móńke bı, Kýrchatov, Tajıbaev, Qojabergen jyraý kósheleri de túngi jaryq shamdarynyń ıgiligin kórmek.
Jalpy, kóne shaharda kóshelerdi jaryqtandyrýǵa aıryqsha kóńil bólinýde. Aıtalyq, 2023 jyly qaladaǵy 83 kóshege túngi jaryq shamdary ornatylǵan bolatyn. Sonymen qatar Jambyl oblysynyń ákimi Erbol Qarashókeevtiń tapsyrmasymen yqshamaýdandardyń kireberis joldary men aýlalary da tolyǵymen túngi jaryqpen qamtamasyz etilip otyr.
