Áleýmettik jelide mektep jasyndaǵy kishkentaı eki balanyń dene jaraqatyn alǵan vıdeosy tarady. Vıdeoda balalardy medresede hadısterdi jattamaǵany úshin urǵandyǵy aıtylady. Qazaqstan musylmandary dinı basqarmasy oqıǵanyń anyq-qanyǵyna kóz jetkizdi. Bul týraly Qazaqstan musylmandar dinı basqarmasynyń baspasóz hatshysy aıtty, dep habarlaıdy “Adyrna” ulttyq portaly.
Oqıǵa Shymkent qalasynda bolǵan. Túrkistan oblysy Saryaǵash aýdanynyń turǵyndary aǵaly-inili baýyrlardy «Taspaý Sálimbaı» meshitiniń ustazy Rústem Asqarovqa úı jaǵdaıynda dinı sabaq berýdi ótinedi.
Ókinishke qaraı, «Taspaý Sálimbaı» meshitiniń ustazy Rústem Asqarov ózge turmystyq máseleler boıynsha ashýlanyp, óz emoııasyn tizgindeı almaı, kámeletke tolmaǵan balalarǵa qol jumsaǵan.
Birinshiden, bul oqıǵa medresede bolmaǵan. Ekinshiden, «Quran súrelerin durys oqymaǵany úshin balalardy urdy» degen pikir shyndyqqa janaspaıdy. Osy rette oqyrmandardan máseleniń anyq-qanyǵyna kóz jetkizbeı turyp aldyn-ala boljam aıtýǵa asyqpaýdy suraımyz, -delingen málimdemede.
Málimet boıynsha, «Taspaý Sálimbaı» meshitiniń ustazy Rústem Asqarov kámeletke tolmaǵan balalardy úı jaǵdaıynda oqytyp, olarǵa qol jumsap, din qyzmetkeriniń etıkasyn (musylmandyq, ustazdyq ádepti saqtamaý, ózgelerge zııan tıgizý t.b.) qatań buzǵan.
Qazaqstan musylmandary dinı basqarmasy bul oqıǵadan tıisti qorytyndy shyǵardy jáne óreskel áreketke jol bergen din qyzmetkerlerine shara qoldandy. Búgin, 2023 jyldyń 15 maýsymynda Rústem Asqarov Bas múftı buıryǵymen «Taspaý Sálimbaı» meshitiniń ustazy qyzmetinen bosatyldy.
Qazir bul máselemen quqyq qorǵaý organdary aınalysýda, delingen Qazaqstan musylmandar dinı basqarmasynyń baspasóz hatshysy bergen habarlamada.
