Kökşetauda Aqmola oblysynyŋ barlyq audandary men qalalarynan aǧa buyn ökılderın bırıktırgen kezdesu öttı. Qarttar künıne orai ūiymdastyrylǧan şara ardagerlerdı merekemen qūttyqtap qana qoimai, olardyŋ el damuyna qosqan köpjyldyq eŋbegı men ömırlık täjıribesıne alǧys bıldıruge mümkındık berdı.
Qonaqtarǧa arnaiy baǧdarlama äzırlendı. Olar «Jaǧalau» jaǧalauyndaǧy seruenge qatysyp, Kokshe Arena sport keşenı men Belsendı ūzaq ömır süru ortalyǧyna bardy. Künnıŋ maŋyzdy oqiǧalarynyŋ bırı – Kökşetaudaǧy auqymdy qaita jaŋǧyrtudan ötken jaŋartylǧan temırjol vokzalynyŋ aşylu räsımıne qatysu boldy.
Is-şara soŋynda Aqmola oblysynyŋ äkımı Marat Ahmetjanovpen kezdesu öttı. Jiynǧa qatysuşylarǧa arnaǧan sözınde öŋır basşysy aǧa buynnyŋ täuelsız Qazaqstannyŋ qalyptasuy men damuyndaǧy airyqşa rölıne toqtaldy.
«Sızderdıŋ buyndaryŋyz Täuelsız Qazaqstannyŋ qalyptasuy men damuyna orasan zor üles qosty. Sızderdıŋ ömırlık täjıribelerıŋız ben elge degen adaldyqtaryŋyz Otanymyzdyŋ tarihynda mäŋgı saqtalady. Bügıngı taŋda öŋırımızdıŋ qol jetkızgen jetıstıkterı köp jaǧdaida sızderdıŋ eŋbekterıŋızdıŋ arqasynda mümkın boldy. Memleket basşysy eŋbekqorlyq, jauapkerşılık, bastamaşyldyq jäne öz ısıne adaldyq siiaqty qūndy qasietterdı öskeleŋ ūrpaqqa jetkızudıŋ maŋyzdylyǧyn ünemı atap ötıp keledı», – dedı Marat Ahmetjanov.
Kezdesu barysynda köp jylyn adal eŋbekke arnaǧan azamattardy qūrmetteu räsımı de öttı. Eŋbek salasynyŋ damuyna qosqan eleulı ülesı men köpjyldyq adal eŋbegı üşın Raşid Gainullin, Beisembai Naikin jäne Galina Avtaeva «Eŋbek ardagerı» medalımen marapattaldy. Jänıbekovter otbasyn altyn toiymen qūttyqtady. Sondai-aq bırqatar aǧa buyn ökılderıne Alǧys hattar tabystaldy.
Keştıŋ jyly atmosferasyn konserttık baǧdarlama jalǧastyrdy. Qonaqtarǧa şyǧarmaşylyq ūjymdar öner körsetıp, köterıŋkı köŋıl-küi syilady.
Bügınde Aqmola oblysynda 118 myŋnan astam zeinetker tūrady. Ardagerler qozǧalysy 20 audandyq jäne qalalyq keŋestı bırıktırıp, 855 bastauyş ūiymnyŋ basyn qosyp otyr. Öŋırde bır Ūly Otan soǧysynyŋ ardagerı, 2,5 myŋǧa juyq tyl eŋbekkerı, sondai-aq Sosialistık Eŋbek Erlerı men Qazaqstannyŋ Eŋbek Erlerı tūrady.
