Bügın - Halyqaralyq qarttar künı

1 qazan – Halyqaralyq qarttar künı. Būl kündı bükıl älem toilatuda. Qarttar künı 1990 jyly 14 jeltoqsanda BŪŪ Bas assambleiasynda resmi bekıtılgen. Bırıkken Ūlttar Ūiymy keltırgen derekke säikes älem boiynşa jasy 60-tan asqan azamattardyŋ sany 1 milliardtan asady eken. Al būl körsetkış 2050 jyly 1,5 milliardqa jetuı mümkın. Al Qazaqstanda zeinet jasyndaǧy tūrǧyndardyŋ sany 2,3 millionnan astam. Qoldanystaǧy zaŋǧa säikes, Qazaqstanda erler 63 jasynda, al äielder 2028 jylǧa deiın 61 jasynda zeinetke şyǧatynyn eske salaiyq. Qazaqstanda qarttarǧa bırqatar qoldau körsetılıp keledı. Eŋbek jäne halyqty äleumettık qorǧau ministrlıgınıŋ mälımetınşe, atalmyş meiram aiasynda Astana qalasy, Qaraǧandy, Maŋǧystau, Türkıstan, Jetısu jäne Ūlytau oblystaryndaǧy qarttarǧa 2-den 10 AEK mölşerınde  234 myŋ qariiaǧa bırjolǧy materialdyq kömek körsetılgen. Aǧa­ ūrpaqtyŋ qoǧam ömır­­ı­ne qosqan ülesıne şynaiy rizaşylyq bıl­dırıp, qam­qor­lyq­ körsetetın erekşe­ meiırımge toly kün qarsaŋynda bırqatar oblystarda da şaralar ötıp jatyr. Almaty, ŞQO, Jambyl, Türkıstan, Abai jäne Ūlytau oblystarynda merekelık azyq-tülık sebetterı tabystalsa, qarttardy äleumettık qoldauǧa şamamen 4,6 mlrd teŋge baǧyttalǧan. "Qarty bar eldıŋ qazynasy bar" dep beker aitylmaǧan. Qariialardyŋ keudesı – ışı toly altyn sandyq.  Ömırlık täjıribesı mol, köptı körgen qariialar el ışılık, tuysaralyq, otbasylyq ülken daulardy, mäselelerdı şeşıp, daudy öz aqylymen toqtatyp otyrǧan. Sondyqtan qarttaryn qadırlegen el ardaqty ekenın esten şyǧarmaiyq!