Memleket basshysy Qasym-Jomart Toqaev Rýanda Prezıdentiniń arnaıy ókili Jan Pol Nıýrýbýtamany qabyldady, dep habarlaıdy "Adyrna" ulttyq portaly Aqordanyń baspasóz qyzmetine siltep.
«Qasym-Jomart Toqaev arnaıy ókilge iltıpat bildire otyryp, Rýanda Prezıdenti Pol Kagamege sálemin joldady. Memleket basshysy Rýanda tarapynyń Qazaqstanmen kópjosparly seriktestikti nyǵaıtýǵa yqylas tanytyp otyrǵanyna rızashylyq bildirdi», - delingen beısenbi kúni taratqan habarlamada.
Prezıdent Afrıka elderimen yqpaldastyqtyń qarqynynda oń dınamıka bar ekenin atap ótip, Rýandamen aradaǵy ekijaqty jáne kópjaqty qarym-qatynastyń kókjıegin odan ári keńeıtýdiń mańyzdylyǵyna nazar aýdardy.
Osy oraıda Memleket basshysy jýyrda qol qoıylǵan Qazaqstan men Rýanda arasyndaǵy dıplomatııalyq jáne qyzmettik pasport ıelerin vıza talaptarynan bosatý týraly kelisimdi joǵary baǵalady.
Jan Pol Nırýbýtama qonaqjaılyq tanytqany úshin Qasym-Jomart Toqaevqa alǵys aıtyp, búginde Qazaqstannyń saıası jáne ekonomıkalyq turǵydan qarqyndy damyp kele jatqanyn atap ótti.
«Áńgimelesý barysynda saýda-ekonomıkalyq jáne mádenı-gýmanıtarlyq yntymaqtastyqtyń perspektıvalyq baǵyttary da talqylandy», - dep qosty Aqorda.
