Qasym-Jomart Toqaevtyŋ atyna merekege orai şet memleketterdıŋ basşylary men halyqaralyq ūiymdardyŋ basşylarynan qūttyqtaular tüsude, - dep habarlaidy "Adyrna" tılşısı Aqordanyŋ baspasöz qyzmetıne sılteme jasap.
Türkiia Prezidentı Rejep Taiip Erdoǧan Qasym-Jomart Toqaev pen bauyrlas Qazaqstan halqyn Ūlttyq merekemen qūttyqtap, elımızge baq-bereke tıledı.
«Tıl, tarih jäne mädeniet siiaqty ortaq qūndylyqtarymyzǧa negızdelgen qarym-qatynasymyz strategiialyq serıktestık ruhynda qarqyndy damyp keledı. Ekı eldıŋ yntymaqtastyǧy jaŋa salalarmen tolyǧa tüskenı quantady. Bızdıŋ bırlesken küş-jıgerımızdıŋ nätijesınde Türkiia men Qazaqstan arasyndaǧy bailanystar odan ärı nyǧaia beretınıne senımdımın. Sızben Astana qalasynda ötetın Türkı memleketterı ūiymynyŋ H sammitınde kezdesetınıme quanyştymyn», – delıngen jedelhatta.Slovakiia Prezidentı Zuzana Chaputova Memleket basşysyna tūraqty, ädılettı jäne baquatty Qazaqstandy damytuǧa baǧyttalǧan reformalardy ıske asyruda tabys tıledı. Sondai-aq ol halyqaralyq qūqyq qaǧidattaryn qūrmetteuge negızdelgen özara yntymaqtastyqtyŋ nätijesınde elderımız qazırgı zamannyŋ syn-qaterlerın bırge eŋseretınıne senım bıldırdı. Serbiia Prezidentı Aleksandr Vuchich özınıŋ jedelhatynda ekı el arasyndaǧy özara qūrmet pen tüsınıstıkke qūralǧan dästürlı dostyq qatynastardyŋ nyǧaiyp kele jatqanyn atap öttı. Aleksandr Vuchich Serbiia jäne Qazaqstannyŋ müddesı men igılıgı jolyndaǧy özara yqpaldastyq aldaǧy uaqytta da keŋeiedı dep senetının jazǧan. Sonymen qatar öz qūttyqtaularyn Litva Prezidentı Gitanas Nauseda, TMD Parlamentaralyq Assambleiasy Keŋesınıŋ Bas hatşysy Dmitrii Kobiskii, AÖSŞK Bas hatşysy Qairat Sarybai, ŪQŞŪ Bas hatşysy İmanǧali Tasmaǧambetov jäne basqalar joldady.
Ūqsas jaŋalyqtar
