Qazaqstan Prezıdenti Qasym-Jomart Toqaev Reseı prezıdenti Vladımır Pýtınge lańkestik áreketterge baılanysty kóńil aıtty. Bul týraly Aqorda jarııalady, dep habarlaıdy “Adyrna” ulttyq portaly.
«Memleket basshysy Qasym-Jomart Toqaev Reseı prezıdenti Vladımır Pýtınge Daǵystandaǵy pravoslavıe shirkeýleri men sınagogaǵa jasalǵan, dinı qyzmetkerler men quqyq qorǵaý organdary ókilderiniń qazasyna ákep soqtyrǵan lańkestik áreketterge baılanysty shyn júrekten kóńil aıtty», - delingen dúısenbi kúni habarlamada.
Memleket basshysy quqyq qorǵaý organdary arqyly jedel-izdestirý sharalaryn júrgizýge kómektesýdi usyndy.
Prezıdent atap ótkendeı, Qazaqstan bul adamgershilikke jatpaıtyn áreketti qatań aıyptaıdy jáne BUU, ShYU jáne basqa da bedeldi halyqaralyq uıymdar aıasynda terrorızmge qarsy kúreste kópjaqty yntymaqtastyqty damytýdy jaqtaıdy.
